استانادا «جاڭا ادامدار» قوزعالىسىنىڭ بەلسەندٸلەرٸ «124» ازاماتتىق ناۋقانى اياسىندا ەلەۋمەتتٸك ەكسپەريمەنت جٷرگٸزدٸ. ولار ەلەۋمەتتٸك جەلٸدە 12 جاستاعى قىزدىڭ اتىنان جالعان پاراقشا اشىپ, وعان كٸمدەر حابارلاساتىنىن تەكسەرگەن, دەپ حابارلايدى ult.kz.
بەلسەندٸلەردٸڭ ايتۋىنشا, اككاۋنت اشىلعاننان كەيٸن كٶپ ۇزاماي وعان ونداعان ەرەسەك ەر ادام حات جازا باستاعان. كەيبٸرٸ تانىسۋعا نيەت بٸلدٸرسە, ەندٸ بٸرٸ كەمەلەتكە تولماعان قىزبەن جەكە سيپاتتاعى ەڭگٸمە جٷرگٸزۋگە تىرىسقان.
1997 جەنە 1994 جىلى تۋىلعان ەكٸ ەر ادام قىزبەن كەزدەسۋگە كەلگەن. بٸراق ولاردىڭ بٸر توپ ەرٸكتٸ كٷتٸپ الدى. ەر ادامنىڭ بٸرٸ
«پەك قىز ٸزدەدٸم» دەپ جالتاردى. ولاردى پوليتسييا الىپ كەتتٸ.
قوزعالىس ٶكٸلدەرٸ بۇل تەجٸريبە ارقىلى ينتەرنەتتەگٸ بالالاردىڭ قاۋٸپسٸزدٸگٸنە قاتىستى مەسەلەگە نازار اۋدارۋدى ماقسات ەتكەن. ولاردىڭ پٸكٸرٸنشە, ەلەۋمەتتٸك جەلٸدە بالانىڭ جاسىن انىقتاۋ جەنە ونى كٷمەندٸ ادامداردان قورعاۋ تەتٸكتەرٸن كٷشەيتۋ قاجەت.
بەلسەندٸلەر مۇنداي جاعدايلاردىڭ الدىن الۋ ٷشٸن اتا-انالارعا بالالاردىڭ ينتەرنەتتەگٸ بەلسەندٸلٸگٸن باقىلاۋعا, بەيتانىس ادامدارمەن حات الماسۋ قاۋپٸن تٷسٸندٸرۋگە جەنە كٷمەندٸ اككاۋنتتار تۋرالى تيٸستٸ ورگاندارعا حابارلاۋعا شاقىردى.
