Foto: ashyq derekkóz
15–17 mamyr kúnderi Barys Arena sport kesheninde Counter-Strike 2 distsiplinasy boiynsha halyqaralyq PGL Astana 2026 týrniri ótedi. Osylaisha Astana qatarynan ekinshi jyl álemdik kibersport indýstriiasyndaǵy iri jarystardyń birine alań usynbaq, dep habarlaidy Ult.kz.
Týrnirdi uiymdastyrýshy — PGL Esports SRL. Jarystyń júlde qory — 1,6 mln AQSh dollary. Týrnirge álemniń úzdik 16 komandasy qatysady, olardyń qatarynda Team Spirit, G2 Esports, FURIA Esports jáne Heroic bar.
Jarysqa Counter-Strike álem chempiony Dáýren Qystaýbaev, FURIA Esports oiynshysy Daniil Golýbenko, strimer Slava Býster, PGL týrnirleriniń júrgizýshisi Djeims Benks jáne álem chempiony Gabriel Toledo qurmetti qonaqtar retinde shaqyrylǵan.
Is-shara QR Týrizm jáne sport ministrligi bekitken 2026 jylǵa arnalǵan týristik is-sharalar kúntizbesine engizilgen.
PGL Astana 2026 týrniriniń ótkizilýi oqiǵalyq týrizmniń damýyna serpin berip, Astananyń halyqaralyq deńgeidegi iri kibersporttyq alań retindegi ornyn nyǵaita túsedi.
