فوتو: اشىق دەرەككٶز
15–17 مامىر كٷندەرٸ Barys Arena سپورت كەشەنٸندە Counter-Strike 2 ديستسيپليناسى بويىنشا حالىقارالىق PGL Astana 2026 تۋرنيرٸ ٶتەدٸ. وسىلايشا استانا قاتارىنان ەكٸنشٸ جىل ەلەمدٸك كيبەرسپورت يندۋستريياسىنداعى ٸرٸ جارىستاردىڭ بٸرٸنە الاڭ ۇسىنباق, دەپ حابارلايدى Ult.kz.
تۋرنيردٸ ۇيىمداستىرۋشى — PGL Esports SRL. جارىستىڭ جٷلدە قورى — 1,6 ملن اقش دوللارى. تۋرنيرگە ەلەمنٸڭ ٷزدٸك 16 كومانداسى قاتىسادى, ولاردىڭ قاتارىندا Team Spirit, G2 Esports, FURIA Esports جەنە Heroic بار.
جارىسقا Counter-Strike ەلەم چەمپيونى دەۋرەن قىستاۋباەۆ, FURIA Esports ويىنشىسى دانييل گولۋبەنكو, ستريمەر سلاۆا بۋستەر, PGL تۋرنيرلەرٸنٸڭ جٷرگٸزۋشٸسٸ دجەيمس بەنكس جەنە ەلەم چەمپيونى گابريەل تولەدو قۇرمەتتٸ قوناقتار رەتٸندە شاقىرىلعان.
ٸس-شارا قر تۋريزم جەنە سپورت مينيسترلٸگٸ بەكٸتكەن 2026 جىلعا ارنالعان تۋريستٸك ٸس-شارالار كٷنتٸزبەسٸنە ەنگٸزٸلگەن.
PGL Astana 2026 تۋرنيرٸنٸڭ ٶتكٸزٸلۋٸ وقيعالىق تۋريزمنٸڭ دامۋىنا سەرپٸن بەرٸپ, استانانىڭ حالىقارالىق دەڭگەيدەگٸ ٸرٸ كيبەرسپورتتىق الاڭ رەتٸندەگٸ ورنىن نىعايتا تٷسەدٸ.
