Qazaqstannyń qus tumaýy taraǵan óńirlerine 7,7 mln doza vaktsina bólindi. Bul týraly OKQ-daǵy brifingide QR AShM Veterinarlyq baqylaý jáne qadaǵalaý komiteti tóraǵasynyń mindetin atqarýshy Tursyn Qabdoldanov málimdedi, dep habarlaidy QazAqparat.
«Janýarlardyń asa qaýipti aýrýlarynyń aldyn alý boiynsha bekitilgen veterinariialyq is-sharalar josparyna sáikes, osy jyldyń aqpan aiynda vaktsinatsiia júrgizý úshin qus tumaýyna qarsy 3,3 millionnan astam vaktsina bólindi. Sonymen qatar qosymsha qyrkúiek aiynda qus tumaýyn juqtyrý oshaqtaryn oqshaýlaý úshin respýblikalyq rezervten 3,1 mln doza bólindi. Al osy aptanyń sońynda taǵy 1,3 mln doza jetkiziledi. Osylaisha, óńirlerge baratyn vaktsina dozalarynyń sany 7,7 millionǵa jetedi. Vaktsinatsiia tegin júrgiziledi», - dedi komitet basshysy.
Onyń aitýynsha búgingi kúni májbúrli vaktsinatsiia aiasynda Qazaqstannyń 8 oblysynyń 60 aýdanynyń 424 aýyldyq okrýginde 1,7 mln qusqa vaktsina salynǵan. Sonymen qatar, Tursyn Qabdoldanov qus ósirýshiler odaǵymen jáne jumyrtqa óndirýshiler qaýymdastyǵymen kelisilgen strategiia boiynsha respýblikalyq biýdjet esebinen tek analyq tabynǵa, sondai-aq qus fabrikalarynyń ainalasyndaǵy 20 shaqyrymdyq aimaqtaǵy jeke aýladaǵy qustarǵa jáne jabaiy qustardyń ushý jolyna profilaktikalyq vaktsinatsiia júrgiziletinin atap ótti.
«Qoldanystaǵy veterinarlyq zańnama aiasynda qus fabrikalarynyń ózderi vaktsinatsiia júrgizedi. Bul rette broiler baǵytyndaǵy qus fabrikalary broilerdiń ómir súrý merziminiń az bolýyna (36-40 kún) bailanysty vaktsinatsiia júrgizbeidi. Olar bir táýlik balapandar men inkýbatsiialyq jumyrtqany qus fabrikalarynan alady. Onda analyq qus tumaýǵa qarsy vaktsinatsiialanǵan. Jumyrtqa baǵytyndaǵy qus fabrikalary analyq taýyqtardy vaktsinatsiialaidy», - dep qosty spiker.
