Aqtaýda otbasylyq janjal kezinde jubaiyna kúsh qoldanǵan er adam qylmystyq jaýapkershilikke tartyldy, dep habarlaidy ult.kz.
Aqtaý qalalyq sotynyń 2026 jylǵy 13 shildedegi úkimimen azamat «Ý» QR Qylmystyq kodeksiniń 109-1-babynyń 1-bóligi boiynsha kináli dep tanylyp, 25 táýlikke qamaqqa alý jazasyna sottaldy.
Sotta anyqtalǵandai, er adam alkogoldik masań kúide otbasylyq janjal kezinde jubaiynyń basynan uryp, oǵan fizikalyq kúsh qoldanǵan.
Sottalýshy óz kinásin moiyndaǵan. Alaida bul ony qylmystyq jaýaptylyqtan bosatýǵa negiz bolmady.
Aqtaý qalasynyń prokýratýrasy turmystyq zorlyq-zombylyqtyń jeke nemese otbasylyq másele emes ekenin eske saldy. Mundai áreketter úshin zańda qylmystyq jaýaptylyq qarastyrylǵan.
Prokýratýra azamattardy daý-janjaldy kúsh qoldanbai, zań aiasynda sheshýge shaqyrdy.
