اقتاۋدا وتباسىلىق جانجال كەزٸندە جۇبايىنا كٷش قولدانعان ەر ادام قىلمىستىق جاۋاپكەرشٸلٸككە تارتىلدى, دەپ حابارلايدى ult.kz.
اقتاۋ قالالىق سوتىنىڭ 2026 جىلعى 13 شٸلدەدەگٸ ٷكٸمٸمەن ازامات «ۋ» قر قىلمىستىق كودەكسٸنٸڭ 109-1-بابىنىڭ 1-بٶلٸگٸ بويىنشا كٸنەلٸ دەپ تانىلىپ, 25 تەۋلٸككە قاماققا الۋ جازاسىنا سوتتالدى.
سوتتا انىقتالعانداي, ەر ادام الكوگولدٸك ماساڭ كٷيدە وتباسىلىق جانجال كەزٸندە جۇبايىنىڭ باسىنان ۇرىپ, وعان فيزيكالىق كٷش قولدانعان.
سوتتالۋشى ٶز كٸنەسٸن مويىنداعان. الايدا بۇل ونى قىلمىستىق جاۋاپتىلىقتان بوساتۋعا نەگٸز بولمادى.
اقتاۋ قالاسىنىڭ پروكۋراتۋراسى تۇرمىستىق زورلىق-زومبىلىقتىڭ جەكە نەمەسە وتباسىلىق مەسەلە ەمەس ەكەنٸن ەسكە سالدى. مۇنداي ەرەكەتتەر ٷشٸن زاڭدا قىلمىستىق جاۋاپتىلىق قاراستىرىلعان.
پروكۋراتۋرا ازاماتتاردى داۋ-جانجالدى كٷش قولدانباي, زاڭ اياسىندا شەشۋگە شاقىردى.
