Frantsýz tarihshysy Mari Favero Astanada «Altyn Orda. Dala imperiiasy álemdi qalai ózgertti» atty kitabynyń qazaq tilindegi nusqasyn tanystyrdy, dep habarlaidy ult.kz.
10 qyrkúiekte Astanadaǵy «Cassackia» galereiasynda ótken kezdesýde avtor Altyn Orda tarihyna toqtalyp, Eýraziiadaǵy saiasi, ekonomikalyq jáne diplomatiialyq bailanystardyń qalyptasýyndaǵy dala imperiialarynyń róli týraly baiandady.
Mari Favero óz eńbeginde Joshy ulysynyń tarihyn ortaǵasyrlyq Eýraziia tarihy aiasynda zerttegen. Kitapta kóshpeliler mádenietiniń tarihi murasy, sondai-aq dala imperiialarynyń halyqaralyq saýda men diplomatiialyq bailanystardyń damýyna yqpaly qarastyrylady.
Фото: Францияның Астанадағы Елшілігінің баспасөз атташесі
Frantsýz tarihshysy Mari Favero óz sózinde:
«Bul eńbektiń qazaq tiline aýdarylýy ǵylymi zertteýler men bilim sabaqtastyǵyna septigin tigizedi. Sondai-aq qazaqstandyq oqyrmandardyń Altyn Orda tarihyn tolyq ári tutas nusqada oqýyna múmkindik beredi. Bul — Altyn Ordanyń ishki bolmysyn, atap aitqanda, onyń qurylymy men basqarý júiesin, sharýashylyǵy men áleýmettik jaǵdaiyn basty ózek etken alǵashqy eńbek.
Frantsiia Elshiligi gýmanitarlyq jáne áleýmettik ǵylymdar salasyndaǵy birlesken bastamalarymyz aiasynda osynaý qundy eńbektiń jaryq kórýine úlken qýanyshpen qoldaý kórsetti», — dedi tarihshy.
Onyń aitýynsha, kitapty daiyndaý halyqaralyq yntymaqtastyqtyń nátijesi bolǵan. Zertteý barysynda ol kóptegen elderge, sonyń ishinde Qazaqstanǵa da baryp, áriptesterimen jumys istegen.
Фото: Францияның Астанадағы Елшілігінің баспасөз атташесі
Kezdesýdi Qazaqstandaǵy «Steppe & World» baspasy men Frantsiianyń Qazaqstandaǵy Elshiligi qoldady.
Qazaqstandaǵy Frantsiia elshiliginiń qoldaýymen «Steppe & World» baspasy kitaptyń qazaq tilindegi 1 myń danasyn shyǵarǵan. Elshilik jastarǵa arnalǵan ǵylymi eńbekter men basqa da basylymdardy qazaq tiline aýdaryp, jaryqqa shyǵarýǵa jyl saiyn qoldaý kórsetip keledi eken.
Фото: Францияның Астанадағы Елшілігінің баспасөз атташесі
Frantsiianyń Qazaqstandaǵy Elshisi Silvan Gioge kitaptyń qazaq tiline aýdarylýy qazaqstandyq oqyrmandarǵa Altyn Orda tarihyn tolyq nusqada oqýǵa múmkindik beretinin atap ótti.
«Bul kitapty shyǵarý baspamyzdyń enshisine buiyrǵan baq, úlken jaýapkershilik. Tól tarihymyz zerttelgen «Altyn Orda» kitabyn qazaq oqyrmanynyń qolyna jetkizýdi baspagerlik boryshym dep bildim. Óitkeni bul kitapty ár qazaq oqýy kerek», — dedi elshi.
Mari Favero 2004 jyly Sorbonnadaǵy Parij ýniversitetinde tarih ǵylymy boiynsha dissertatsiia qorǵaǵan. Keiin Frantsýz shyǵys arheologiiasy institýtynda, Leiden jáne Oksford ýniversitetterinde jumys istegen.
2021 jyly onyń «The Horde. How the Mongols Changed the World» atty kitaby jaryq kórdi. Eńbek frantsýz tilinde 2023 jyly, al qazaq tilinde 2026 jyly basylyp shyqty.
