Almatynyń bas sanitar dárigeri Jandarbek Bekshin 26 qazannan bastap kinoteatrlardyń jumys isteýine ruqsat bergen bolatyn. Mundai nysandardyń toqtap turǵanyna jarty jyldan asty, dep habarlaidy QazAqparat.
Bas dáriger qaýlysyna sáikes 26 qazannan bastap ruqsat berilse de, búgin kóptegen kinoteatrlar jabyq boldy.
Olardyń kópshiliginde daiyndyq júrip, dezinfektsiialyq sharalar atqarylyp jatyr.
«Qazir biz distribiýtorlardan filmderdiń tolyq seansyn kútip otyrmyz. Árine, epidahýalǵa bailanysty túngi kórsetilimder bolmaidy. Adamdar shahmattyq tártipte otyrady. Resmi ashylý erteń bolady. Búgin zaldar tolyq kvartstalady. Bizdiń zalǵa adamdar ortalyq ýnivermag jaǵynan kiretin bolsa, endi jeke kireberisten kiretin bolady», - dedi qaladaǵy iri kinoteatrlardyń biriniń basqarýshysy Iýliia Veber.
Sonymen qatar, kinoteatrlarǵa biletti ázirge onlain satýǵa týra keledi.
«Kirgen kezde kúzetshiler kelýshilerdiń maskasyn tekseredi, temperatýrasyn ólsheidi. Eger adamda maska bolmasa, oǵan qyzmetkerler jańasyn beredi. Kinoteatrlar jumysy 10:00-22:00 aralyǵynda bolady. Zaldar 30 paiyzǵa tolǵan kezde esik jabylady. Bilet quny ózgergen joq. 1000-3000 tg aralyǵynda bolady», - deidi kinoteatrlar jelisiniń PR direktory Erlan Buqarbaev.
Al otbasymen kelgen kórýshilerdi otyrǵyzý tártibin ákimshilik sheshedi.
Aita ketý kerek, Almatyda 26 qazannan bastap bas sanitar dáriger Jandarbek Bekshin kinoteatrlar men saýda oiyn saýyq ortalyqtarynyń jumysyna ruqsat bergen bolatyn.
