الماتىنىڭ باس سانيتار دەرٸگەرٸ جانداربەك بەكشين 26 قازاننان باستاپ كينوتەاترلاردىڭ جۇمىس ٸستەۋٸنە رۇقسات بەرگەن بولاتىن. مۇنداي نىسانداردىڭ توقتاپ تۇرعانىنا جارتى جىلدان استى, دەپ حابارلايدى قازاقپارات.
باس دەرٸگەر قاۋلىسىنا سەيكەس 26 قازاننان باستاپ رۇقسات بەرٸلسە دە, بٷگٸن كٶپتەگەن كينوتەاترلار جابىق بولدى.
ولاردىڭ كٶپشٸلٸگٸندە دايىندىق جٷرٸپ, دەزينفەكتسييالىق شارالار اتقارىلىپ جاتىر.
«قازٸر بٸز ديستريبيۋتورلاردان فيلمدەردٸڭ تولىق سەانسىن كٷتٸپ وتىرمىز. ەرينە, ەپيداحۋالعا بايلانىستى تٷنگٸ كٶرسەتٸلٸمدەر بولمايدى. ادامدار شاحماتتىق تەرتٸپتە وتىرادى. رەسمي اشىلۋ ەرتەڭ بولادى. بٷگٸن زالدار تولىق كۆارتستالادى. بٸزدٸڭ زالعا ادامدار ورتالىق ۋنيۆەرماگ جاعىنان كٸرەتٸن بولسا, ەندٸ جەكە كٸرەبەرٸستەن كٸرەتٸن بولادى», - دەدٸ قالاداعى ٸرٸ كينوتەاترلاردىڭ بٸرٸنٸڭ باسقارۋشىسى يۋلييا ۆەبەر.
سونىمەن قاتار, كينوتەاترلارعا بيلەتتٸ ەزٸرگە ونلاين ساتۋعا تۋرا كەلەدٸ.
«كٸرگەن كەزدە كٷزەتشٸلەر كەلۋشٸلەردٸڭ ماسكاسىن تەكسەرەدٸ, تەمپەراتۋراسىن ٶلشەيدٸ. ەگەر ادامدا ماسكا بولماسا, وعان قىزمەتكەرلەر جاڭاسىن بەرەدٸ. كينوتەاترلار جۇمىسى 10:00-22:00 ارالىعىندا بولادى. زالدار 30 پايىزعا تولعان كەزدە ەسٸك جابىلادى. بيلەت قۇنى ٶزگەرگەن جوق. 1000-3000 تگ ارالىعىندا بولادى», - دەيدٸ كينوتەاترلار جەلٸسٸنٸڭ PR ديرەكتورى ەرلان بۇقارباەۆ.
ال وتباسىمەن كەلگەن كٶرۋشٸلەردٸ وتىرعىزۋ تەرتٸبٸن ەكٸمشٸلٸك شەشەدٸ.
ايتا كەتۋ كەرەك, الماتىدا 26 قازاننان باستاپ باس سانيتار دەرٸگەر جانداربەك بەكشين كينوتەاترلار مەن ساۋدا ويىن ساۋىق ورتالىقتارىنىڭ جۇمىسىنا رۇقسات بەرگەن بولاتىن.
