Almatyda er adam áieliniń anasyna jynystyq sipattaǵy zorlyq-zombylyq jasady degen kúdikke ilindi. Oqiǵa jábirlenýshiniń qyzy politsiiaǵa aryz bergennen keiin belgili bolǵan, dep habarlaidy ult.kz.
Oqiǵa 17 tamyzda bolǵan. Aldyn ala málimet boiynsha, kúdikti 1961 jyly týǵan enesiniń úiine «shai ishýge» barǵan. Keiin onyń áieldiń dármensiz jaǵdaiyn paidalanǵany jáne jynystyq sipattaǵy zorlyq áreketterin jasaǵany boljanyp otyr.
Jábirlenýshi úsh jyl buryn aýyr jol-kólik oqiǵasyna túsken. Sodan beri densaýlyǵynda birqatar qiyndyq bar. Onyń qyzynyń aitýynsha, anasy densaýlyǵyna qaramastan úsh balasyn tárbielep otyr. Balalarynyń biriniń erekshe qajettiligi bar.
Oqiǵadan keiin áieldiń qyzy kúieýiniń ústinen politsiiaǵa aryz túsirgen.
Buǵan deiin qylmystyq istiń qaralýy sozylyp ketkeni týraly aqparat taraǵan. Buǵan sot-meditsinalyq saraptamaǵa qatysty qujattardyń durys rásimdelmeýi, sondai-aq politsiia men sarapshylar arasyndaǵy biýrokratiialyq máseleler sebep bolǵany aitylǵan.
Osyǵan bailanysty qoǵam belsendileri Almaty qalasynyń prokýratýrasy men zańgerlerdi istiń zań talaptaryna sai qaralýyn baqylaýǵa shaqyrdy.
Kúdiktiniń kinási sotta dáleldengen joq. Tergeý nátijesi men sot sheshimi onyń kinásin anyqtaidy.
