GAC avtomobil brendi Qazaqstandaǵy damýynyń jańa kezeńin bastady. Brendtiń resmi distribiýtory retinde Allur avtomobil kompaniiasy taǵaiyndalyp, Qostanaidaǵy óz zaýytynda GAC avtokólikterin shyǵarýdy iske qosty.
Zaýytta GAC brendine tiesili GS4 Max, GS8, S7, M8, Empow jáne GS3 modelderi qurastyrylady. Al GAC S7 – brendtiń Qazaqstanda qurastyrylǵan alǵashqy gibridti modeli. Bul kólik elektromobildiń zamanaýi tehnologiialaryn dástúrli avtomobildiń alys saparlarǵa qolailylyǵymen úilestiredi.
GAC brendi 70 jyldan astam ýaqyttan beri jumys isteidi. Kompaniia Toyota jáne Honda siiaqty álemdik jetekshi avtokontserndermen yntymaqtastyq barysynda jinaqtaǵan injenerlik tájiribesin óz injenerlik mektebiniń negizine ainaldyrǵan. Búginde GAC avtomobilderinde Aisin avtomatty berilis qoraby, BorgWarner Haldex tolyq jetek júiesi, sondai-aq Bosch, Denso jáne Huawei kompaniialarynyń elektrondyq komponentteri qoldanylady.
Dástúrli tanystyrylymnyń ornyna test-draiv
Jańa modeldiń jabyq test-draiv tanystyrylymy Qonaev qalasyndaǵy Qapshaǵai sý qoimasynyń jaǵalaýynda ótti. Dástúrli kórsetilimniń ornyna jýrnalisterge kólikti túrli jaǵdailarda synap kórý múmkindigi berildi.
Ol úshin tik órleýler men eńisterden, diagonaldy eńkeiý ýchaskelerinen, borpyldaq jabyndy joldardan jáne jasandy kedergilerden turatyn arnaiy trassa ázirlendi. Bul marshrýt tolyq jetek júiesiniń múmkindigin, aspanyń jumysyn jáne avtomobildiń asfalttan tys jerdegi júris-turysyn baǵalaýǵa múmkindik berdi.
Mundai format kádimgi qalalyq synaqtan áldeqaida áserli boldy, óitkeni kóliktiń ártúrli paidalaný jaǵdailaryndaǵy múmkindikterin tolyq sezinýge jaǵdai jasady.
Ymyrasyz tizbekti gibrid
GAC S7 modeliniń basty ereksheligi – tizbekti gibridti kúshtik qondyrǵysy. Kóptegen gibridterden aiyrmashylyǵy, munda benzin qozǵaltqyshy dóńgelekterdi qozǵalysqa keltirmeidi. Onyń negizgi mindeti – yqsham elektr stantsiiasy retinde jumys istep, qozǵalys kezinde tartqysh batareiany elektr energiiasymen qamtamasyz etý. Al kólikti tolyqtai elektr qozǵaltqyshtary júrgizedi.
Mundai sheshim elektromobilge tán tynyshtyqty, birqalypty qozǵalysty jáne jedel údeýdi zariadtaý infraqurylymyna táýeldi bolmai uzaq jol júrý múmkindigimen úilestiredi.
Tolyq jetek (AWD) júiesi kóliktiń áleýetin tolyq paidalanýǵa múmkindik beredi. Al 0-den 100 km/saǵ jyldamdyqqa deiingi údeý ýaqyty – 6,1 sekýnd.
Júieni syiymdylyǵy 36,3 kVt·saǵ bolatyn Magazine 2.0 litii-temir-fosfatty akkýmýliatory qýattandyrady. Bul batareia joǵary termoturaqtylyǵymen jáne kópdeńgeili qorǵanys júiesimen erekshelenedi.
Elektr qýatymen krossover 153 shaqyrymǵa deiin júre alady, al jalpy júris qory 781 shaqyrymǵa jetedi. Jyldam qýattaý rejiminde batareianyń qýatyn 30 paiyzdan 80 paiyzǵa deiin shamamen 18 minýtta tolyqtyrýǵa bolady.
Batareia tolyq razriadtalǵan jaǵdaida da gibrid óziniń únemdiligin saqtaidy – málimdelgen otyn shyǵyny 100 shaqyrymǵa shamamen 7 litrdi quraidy.
Biznes-klass deńgeiindegi jailylyq
Sporttyq sipattamalaryna qaramastan, S7 eń aldymen júrgizýshi men jolaýshylardyń jailylyǵyna baǵyttalǵan.
Tipti bazalyq jabdyqtalymnyń ózinde panoramalyq shatyr, qosymsha dybys oqshaýlaýy jáne Nappa bylǵarysymen qaptalǵan salon qarastyrylǵan.
Aldyńǵy jáne artqy oryndyqtar jylytý, jeldetý jáne massaj fýnktsiialarymen jabdyqtalǵan. Keń ekinshi qatar uzaq saparlarda da joǵary jailylyq usynady. Oryndyqtardyń arqalyǵynyń kólbeý buryshy retteledi, al eń joǵary ULTRA nusqasynda aldyńǵy jolaýshyǵa arnalǵan ottomanka qarastyrylǵan.
Praktikalyq turǵydan alǵanda da modeldiń artyqshylyqtary bar. Júksalǵysh kólemi – 720 litr, al ekinshi qatardaǵy oryndyqtar jinalǵan kezde 2050 litrge deiin ulǵaiady.
Intellektýaldy jaryqtandyrý júiesi
Kóliktiń syrtqy dizainyndaǵy eń kózge túsetin elementterdiń biri – Skyline firmalyq jaryq jolaǵy.
ULTRA nusqasynda 2248 táýelsiz jaryqdiodtan turatyn intellektýaldy LED-optika qoldanylady. Ony jasandy intellekt basqarady.
Júie qozǵalys jyldamdyǵyna, jol jaǵdaiyna jáne aýa raiyna qarai jaryq aǵynyn avtomatty túrde retteidi, sondai-aq túrli jaryqtandyrý stsenariilerin qoldaidy.
Zamanaýi tehnologiialar men qaýipsizdik
Kóliktiń tsifrlyq ekojúiesine diagonali 15,6 diýim bolatyn mýltimediialyq ekran jaýap beredi. Ol Apple CarPlay jáne Android Auto júielerin qoldaidy.
Sonymen qatar avtomobil tsifrlyq aspaptar panelimen, 21 dinamikti aýdiojúiemen, qýaty 50 Vt symsyz zariadtaý qurylǵysymen jáne zamanaýi qosylý interfeisterimen jabdyqtalǵan.
Sondai-aq júrgizýshige arnalǵan intellektýaldy kómekshi júieler kesheni men belsendi qaýipsizdik júieleri qala ishinde de, tas jolda da júrgizýdi barynsha qaýipsiz ári jaily etedi.
Jabdyqtalymy men baǵasy
Qazaqstanda Qazaqstanda qurastyrylǵan GAC S7 eki nusqada usynylady.
MAX jiyntyǵynyń baǵasy – 19 490 000 teńge. Bul nusqaǵa panoramalyq shatyr, avtomatty jaryqdiodty optika, premiým árlengen salon jáne jailylyqqa arnalǵan kóptegen júieler kiredi.
ULTRA jiyntyǵy 21 490 000 teńge turady. Ol intellektýaldy matritsalyq LED-optikamen, esikterdiń elektr jetegi jáne avtomatty jabý júiesimen, jasandy kúderimen qaptalǵan tóbemen jáne keńeitilgen jabdyqtalymmen erekshelenedi.
Satyp alýshylarǵa kýzovtyń alty túsi usynylady: Crystal White, Green Jungle, Black, Obsidian Black, Gray jáne eki tústi White/Black. Al salondy Black-Brown, Brown-Beige nemese Black-Gray tústeriniń birinde tańdaýǵa bolady.
Óndirýshi joǵary voltty akkýmýliatorǵa 8 jyl kepildik beredi. Bul kompaniianyń gibridti tehnologiiasynyń senimdiligine degen senimin kórsetedi.
