Alashtanýshy ǵalym Sultan Han Aqquly qoǵamda keńinen tanylǵan betperdeli qaiyrymdylyq jasaýshynyń kim bolýy múmkin ekeni týraly pikir bildirdi, dep habarlaidy ult.kz.
Ol Adal ADAM YouTube arnasyna bergen suhbatynda uzyn boily, betperde taǵyp júrip qaiyrymdylyq jasaityn azamattyń áreketi kópshilikke úlgi ekenin atap ótti. Ǵalymnyń aitýynsha, bul adamnyń tanymal ánshi Dimash Qudaibergen bolýy múmkin degen boljamy bar.
«Meniń oiymsha, ol – Dimash Qudaibergen bolýy yqtimal. Nemese onyń atynan osyndai igi istermen ainalysyp júrgen jaqyn adamy shyǵar. Qalai bolǵanda da, mundai qaiyrymdylyq qoǵamǵa jaqsy ónege kórsetedi. Búginde ózgeniń qamyn oilap, únsiz kómek kórsetetin azamattardyń bary qýantady», – dedi Sultan Han Aqquly.
Sonymen qatar ǵalym qaiyrymdylyqpen ainalysyp júrgen azamattyń naqty kim ekeni ázirge belgisiz ekenin, bul tek óziniń jeke pikiri ekenin jetkizdi.
