الاشتانۋشى عالىم سۇلتان حان اققۇلى قوعامدا كەڭٸنەن تانىلعان بەتپەردەلٸ قايىرىمدىلىق جاساۋشىنىڭ كٸم بولۋى مٷمكٸن ەكەنٸ تۋرالى پٸكٸر بٸلدٸردٸ, دەپ حابارلايدى ult.kz.
ول Adal ADAM YouTube ارناسىنا بەرگەن سۇحباتىندا ۇزىن بويلى, بەتپەردە تاعىپ جٷرٸپ قايىرىمدىلىق جاسايتىن ازاماتتىڭ ەرەكەتٸ كٶپشٸلٸككە ٷلگٸ ەكەنٸن اتاپ ٶتتٸ. عالىمنىڭ ايتۋىنشا, بۇل ادامنىڭ تانىمال ەنشٸ ديماش قۇدايبەرگەن بولۋى مٷمكٸن دەگەن بولجامى بار.
«مەنٸڭ ويىمشا, ول – ديماش قۇدايبەرگەن بولۋى ىقتيمال. نەمەسە ونىڭ اتىنان وسىنداي يگٸ ٸستەرمەن اينالىسىپ جٷرگەن جاقىن ادامى شىعار. قالاي بولعاندا دا, مۇنداي قايىرىمدىلىق قوعامعا جاقسى ٶنەگە كٶرسەتەدٸ. بٷگٸندە ٶزگەنٸڭ قامىن ويلاپ, ٷنسٸز كٶمەك كٶرسەتەتٸن ازاماتتاردىڭ بارى قۋانتادى», – دەدٸ سۇلتان حان اققۇلى.
سونىمەن قاتار عالىم قايىرىمدىلىقپەن اينالىسىپ جٷرگەن ازاماتتىڭ ناقتى كٸم ەكەنٸ ەزٸرگە بەلگٸسٸز ەكەنٸن, بۇل تەك ٶزٸنٸڭ جەكە پٸكٸرٸ ەكەنٸن جەتكٸزدٸ.
