Aktrisa ári bloger Aiym Seiitmetova ajyrasý protsesi júrip jatqan ýaqytta áleýmettik jelidegi paraqshasynda er azamattyń jaýapkershiligi týraly oi qozǵaǵan jazba jariialady, dep habarlaidy ult.kz, Sn.kz-ke silteme jasap.
Aiym Seiitmetovanyń aitýynsha, er adamnyń basty qasietteriniń biri – óz sheshimi, sózi men is-áreketi úshin jaýapkershilik ala bilý.
«Er adamnyń basty qasietteriniń biri - jaýapkershilikti óz moinyna alý. Óz sheshimi, sózi men áreketi úshin jaýap berý. Kinálini ózgeden izdemei, óz isiniń saldaryn basqaǵa júktemeý mańyzdy. Sebebin ózgeden emes, eń aldymen ózińnen izdei bilý kerek», - dep jazdy ol.
Sondai-aq ol jaýapkershilikten qashyp, ózin aqtaýǵa tyrysatyn er azamattardyń áreketi qurmet týdyrmaitynyn aitty.
«Dál osyndai er adamdar qurmetke laiyq. Al eseigen adam jaýapkershiliktiń ornyna aqtalýdy tańdap, óz kinásin ózgege arta bastasa - bul er azamatqa tán qylyq emes. Sondyqtan, ásirese ul tárbielep otyrǵan analarǵa aitarym: balalardy kishkentaiynan óz áreketine jaýap berýge úiretińizder. Sonda ǵana olar árdaiym ózgelerdi kinálaityn “eresek bala” emes, arqa súieýge bolatyn azamat bolyp ósedi», - dedi aktrisa.
Aita keteiik, sońǵy ýaqytta Aiym Seiitmetova men jubaiy arasyndaǵy ajyrasý máselesi qoǵamda qyzý talqylanyp jatyr. Aktrisanyń bul jazbasy da kópshilik tarapynan jeke ómirindegi jaǵdaimen bailanysty qabyldanyp, áleýmettik jelide keńinen tarady.
