Belgili aitysker aqyn Aitaqyn Bulǵaqov áleýmettik jelidegi paraqshasynda jan syryn aqtardy. Aqyn aýyr dertke shaldyǵyp, alys shetelde em alǵanyn jetkizdi, dep habarlaidy ult.kz.
«Adam balasynyń basyna ne kelip, ne ketpegen. Bul jaidan ózderińiz de habardar bolarsyzdar. Oilamaǵan jerden jaman dert kelip jabysty. Bul habardy estigen sátte tóbemizden jai túskendei kúi keshtik. Otbasymdy úrei bilep, ár kúnimiz úmit pen kúdiktiń arasynda ótti. Biraq dál sondai syn saǵatta bala-shaǵam janymnan tabylyp, bir sátke de jalǵyz qaldyrmady. Solardyń qoldaýymen Úndistanda eki jarym ai em qabyldadym. Allanyń qalaýymen, dárigerlerdiń eńbegi men janashyr-jaqyndarymnyń aq tileginiń arqasynda derttiń beti qaitqandai. Búgingi árbir atqan tańnyń qadirin burynǵydan da tereń sezinemin. Osyndai qiyndyqta janymnan tabylǵan perzentterime, maǵan duǵa tilegen barsha aǵaiynǵa sheksiz alǵysymdy bildiremin. Alla eshkimge mundai synaq bermesin», - dep jazdy ol.
