بەلگٸلٸ ايتىسكەر اقىن ايتاقىن بۇلعاقوۆ ەلەۋمەتتٸك جەلٸدەگٸ پاراقشاسىندا جان سىرىن اقتاردى. اقىن اۋىر دەرتكە شالدىعىپ, الىس شەتەلدە ەم العانىن جەتكٸزدٸ, دەپ حابارلايدى ult.kz.
«ادام بالاسىنىڭ باسىنا نە كەلٸپ, نە كەتپەگەن. بۇل جايدان ٶزدەرٸڭٸز دە حاباردار بولارسىزدار. ويلاماعان جەردەن جامان دەرت كەلٸپ جابىستى. بۇل حاباردى ەستٸگەن سەتتە تٶبەمٸزدەن جاي تٷسكەندەي كٷي كەشتٸك. وتباسىمدى ٷرەي بيلەپ, ەر كٷنٸمٸز ٷمٸت پەن كٷدٸكتٸڭ اراسىندا ٶتتٸ. بٸراق دەل سونداي سىن ساعاتتا بالا-شاعام جانىمنان تابىلىپ, بٸر سەتكە دە جالعىز قالدىرمادى. سولاردىڭ قولداۋىمەن ٷندٸستاندا ەكٸ جارىم اي ەم قابىلدادىم. اللانىڭ قالاۋىمەن, دەرٸگەرلەردٸڭ ەڭبەگٸ مەن جاناشىر-جاقىندارىمنىڭ اق تٸلەگٸنٸڭ ارقاسىندا دەرتتٸڭ بەتٸ قايتقانداي. بٷگٸنگٸ ەربٸر اتقان تاڭنىڭ قادٸرٸن بۇرىنعىدان دا تەرەڭ سەزٸنەمٸن. وسىنداي قيىندىقتا جانىمنان تابىلعان پەرزەنتتەرٸمە, ماعان دۇعا تٸلەگەن بارشا اعايىنعا شەكسٸز العىسىمدى بٸلدٸرەمٸن. اللا ەشكٸمگە مۇنداي سىناق بەرمەسٸن», - دەپ جازدى ول.
