2026 jyldyń sáýirinde Qytaida kompaniialardyń jumystan shyǵarylǵan qyzmetkerlerdi jasandy intellekt agentterimen almastyra bastady. AI júieleri qyzmetkerlerdiń jumys faildary, qujattary, iskerlik hat almasýy jáne jobalary negizinde oqytylyp, olardyń kásibi fýnktsiialaryn oryndaýǵa beiimdelgen. Jumys naryǵynda osyǵan uqsas jaǵdailar kóbeiip, elder jasandy intellekti barynsha igerýge tyrysyp jatyr. Bul jaǵdai álemde jasandy intellektiń eńbek naryǵyna yqpaly týraly pikirtalasty kúsheitti. Keibiri bul ózgerister adamdy jumys ornynan aiyrady dese, keibiri kerisinshe, adam eńbegin jańa deńgeige kóteredi dep boljam jasaýda. Al Qazaqstanda eńbek naryǵy aldaǵy jyldary qalai ózgeredi? Jasandy intellekt qandai mamandyqtarǵa áser etedi? degen suraqtarǵa jaýap berý negizinde beine túrindegi analitikalyq taldaý jasaldy.
Jobanyń ózektiligi qazirgi kezeńde jasandy intellekt tehnologiialarynyń qarqyndy damýymen jáne olardyń eńbek naryǵyna keńinen enýimen aiqyndalady. Osy úderis aiasynda bolashaqta suranysqa ie bolatyn daǵdylardy anyqtaý jáne mamandardyń jańa kásibi ortaǵa beiimdelý máselesi erekshe mańyzǵa ie bolyp otyr. Mediajobanyń negizgi maqsaty “Jasandy intellektiń mamandyqtar bolashaǵyna áseri” taqyrybyna nazar aýdartý. Ásirese, mamandyq tańdaý ústinde júrgen oqýshylar men endi joǵary oqý ornyn aiaqtaǵan, jas mamandarǵa jasandy intellektpen jumys istei alý daǵdysyn qazirden-aq úirený qajet. Osy maqsatqa sáikes beinematerialda jasandy intellektiń mamandyqtar qurylymyna ákeletin ózgeristeri jáne eńbek naryǵynyń damý perspektivalary qarastyrylady. Dálirek aitqanda, joba aiasynda mamandyqtardyń qazirgi jaǵdaiy taldanyp, bolashaq mamandardyń jasandy intellektpen jumys isteý daǵdylary jáne onyń kásibi qyzmet sapasyna yqpaly kórsetiledi. Bul rette jasandy intellektiń yqpaly týrizm, matematika jáne statistika, sondai-aq aýdarma isi salalary mysalynda qarastyrylady, iaǵni osy mamandyqtarǵa oqyp jatqan stýdentter berilgen tapsyrmany kamera aldynda oryndaidy. Tapsyrma oryndalý barysyndaǵy erekshelik - erkindik, stýdentter testti dástúrli túrde nemese jasandy intellekt platformalaryn qoldanyp oryndaidy. Qatysýshylardyń oryndaǵan tapsyrmalaryn arnaiy osy sala boiynsha tájiribesi bar mamandar taldaidy. Sonymen qatar jasandy intellekt sarapshysynyń pikiri de qosylǵan. Tolyǵyraq bilý úshin beinematerialdy kórýdi usynamyz:
Maqala avtory: Aqerke Qairatqyzy
Film avtorlary:
Alina Erkinbek
Ainýr Tagibergenova
Aqerke Qairatqyzy
Janel Erkinbaeva
