2026 جىلدىڭ سەۋٸرٸندە قىتايدا كومپانييالاردىڭ جۇمىستان شىعارىلعان قىزمەتكەرلەردٸ جاساندى ينتەللەكت اگەنتتەرٸمەن الماستىرا باستادى. AI جٷيەلەرٸ قىزمەتكەرلەردٸڭ جۇمىس فايلدارى, قۇجاتتارى, ٸسكەرلٸك حات الماسۋى جەنە جوبالارى نەگٸزٸندە وقىتىلىپ, ولاردىڭ كەسٸبي فۋنكتسييالارىن ورىنداۋعا بەيٸمدەلگەن. جۇمىس نارىعىندا وسىعان ۇقساس جاعدايلار كٶبەيٸپ, ەلدەر جاساندى ينتەللەكتٸ بارىنشا يگەرۋگە تىرىسىپ جاتىر. بۇل جاعداي ەلەمدە جاساندى ينتەللەكتٸڭ ەڭبەك نارىعىنا ىقپالى تۋرالى پٸكٸرتالاستى كٷشەيتتٸ. كەيبٸرٸ بۇل ٶزگەرٸستەر ادامدى جۇمىس ورنىنان ايىرادى دەسە, كەيبٸرٸ كەرٸسٸنشە, ادام ەڭبەگٸن جاڭا دەڭگەيگە كٶتەرەدٸ دەپ بولجام جاساۋدا. ال قازاقستاندا ەڭبەك نارىعى الداعى جىلدارى قالاي ٶزگەرەدٸ? جاساندى ينتەللەكت قانداي ماماندىقتارعا ەسەر ەتەدٸ? دەگەن سۇراقتارعا جاۋاپ بەرۋ نەگٸزٸندە بەينە تٷرٸندەگٸ اناليتيكالىق تالداۋ جاسالدى.
جوبانىڭ ٶزەكتٸلٸگٸ قازٸرگٸ كەزەڭدە جاساندى ينتەللەكت تەحنولوگييالارىنىڭ قارقىندى دامۋىمەن جەنە ولاردىڭ ەڭبەك نارىعىنا كەڭٸنەن ەنۋٸمەن ايقىندالادى. وسى ٷدەرٸس اياسىندا بولاشاقتا سۇرانىسقا يە بولاتىن داعدىلاردى انىقتاۋ جەنە مامانداردىڭ جاڭا كەسٸبي ورتاعا بەيٸمدەلۋ مەسەلەسٸ ەرەكشە ماڭىزعا يە بولىپ وتىر. مەدياجوبانىڭ نەگٸزگٸ ماقساتى “جاساندى ينتەللەكتٸڭ ماماندىقتار بولاشاعىنا ەسەرٸ” تاقىرىبىنا نازار اۋدارتۋ. ەسٸرەسە, ماماندىق تاڭداۋ ٷستٸندە جٷرگەن وقۋشىلار مەن ەندٸ جوعارى وقۋ ورنىن اياقتاعان, جاس ماماندارعا جاساندى ينتەللەكتپەن جۇمىس ٸستەي الۋ داعدىسىن قازٸردەن-اق ٷيرەنۋ قاجەت. وسى ماقساتقا سەيكەس بەينەماتەريالدا جاساندى ينتەللەكتٸڭ ماماندىقتار قۇرىلىمىنا ەكەلەتٸن ٶزگەرٸستەرٸ جەنە ەڭبەك نارىعىنىڭ دامۋ پەرسپەكتيۆالارى قاراستىرىلادى. دەلٸرەك ايتقاندا, جوبا اياسىندا ماماندىقتاردىڭ قازٸرگٸ جاعدايى تالدانىپ, بولاشاق مامانداردىڭ جاساندى ينتەللەكتپەن جۇمىس ٸستەۋ داعدىلارى جەنە ونىڭ كەسٸبي قىزمەت ساپاسىنا ىقپالى كٶرسەتٸلەدٸ. بۇل رەتتە جاساندى ينتەللەكتٸڭ ىقپالى تۋريزم, ماتەماتيكا جەنە ستاتيستيكا, سونداي-اق اۋدارما ٸسٸ سالالارى مىسالىندا قاراستىرىلادى, ياعني وسى ماماندىقتارعا وقىپ جاتقان ستۋدەنتتەر بەرٸلگەن تاپسىرمانى كامەرا الدىندا ورىندايدى. تاپسىرما ورىندالۋ بارىسىنداعى ەرەكشەلٸك - ەركٸندٸك, ستۋدەنتتەر تەستتٸ دەستٷرلٸ تٷردە نەمەسە جاساندى ينتەللەكت پلاتفورمالارىن قولدانىپ ورىندايدى. قاتىسۋشىلاردىڭ ورىنداعان تاپسىرمالارىن ارنايى وسى سالا بويىنشا تەجٸريبەسٸ بار ماماندار تالدايدى. سونىمەن قاتار جاساندى ينتەللەكت ساراپشىسىنىڭ پٸكٸرٸ دە قوسىلعان. تولىعىراق بٸلۋ ٷشٸن بەينەماتەريالدى كٶرۋدٸ ۇسىنامىز:
ماقالا اۆتورى: اقەركە قايراتقىزى
فيلم اۆتورلارى:
الينا ەركٸنبەك
اينۋر تاگيبەرگەنوۆا
اقەركە قايراتقىزى
جانەل ەركينباەۆا
