Jyl basynan beri Qazaqstanda adam saýdasyna bailanysty 72 qylmys tirkeldi. Bul týraly Ishki ister ministrliginde ótken adam saýdasyna qarsy is-qimyl máseleleri jónindegi vedomstvoaralyq komissiianyń otyrysynda málim boldy, dep habarlaidy ult.kz.
Ministrlik dereginshe, qazirgi tańda adam saýdasynyń dástúrli túrlerimen qatar jańa tásilderi de keń taralyp keledi. Atap aitqanda, azamattardy májbúrli eńbekke tartý, qaiyrshylyq jasaýǵa májbúrleý, seksýaldyq qanaý jáne adam aǵzalaryn zańsyz alý faktilerimen birge, adamdardy kiberalaiaqtyq pen ózge de qylmystyq áreketterge tartý jaǵdailary kóbeigen.
– Jyl basynan beri ishki ister organdary adam saýdasyna bailanysty 72 qylmysty anyqtady. Kómek kórsetý úshin adam saýdasynyń 15 qurbany áleýmettik qyzmetterge joldandy, – delingen vedomstvo habarlamasynda.
Otyrys barysynda adam saýdasynyń aldyn alý jáne ony anyqtaý tetikterin jetildirý máseleleri talqylandy. Sondai-aq halyqtyń quqyqtyq saýattylyǵyn arttyrý, aqparattyq-túsindirý jumystaryn kúsheitý jáne jábirlenýshilerge kórsetiletin kómekti jetildirý aldaǵy kezeńniń basym baǵyttary retinde belgilendi.
Mamandardyń aitýynsha, adam saýdasy búginde tek dástúrli qanaý túrlerimen shektelmeidi. Sondyqtan azamattarǵa kúmándi jumys usynystary men zańsyz tabys kózderinen saq bolý usynylady.
