Tanymal ánshi Abai Begei sahnada jaryna alǵys aityp, kózine jas aldy, dep habarlaidy ult.kz.
Óner iesi kópshilik aldynda jubaiyna júrekjardy sózin arnap, qyzdaryna kórsetip júrgen qamqorlyǵy úshin rizashylyǵyn bildirdi.
“Men jaryma alǵys aitqym keledi. Qyzdaryma ana bolyp júrgenińe raqmet”, – dedi ánshi tolqyp.
Osy sózderdi aitqan sátte Abai Begeidiń kózine jas keldi. Ánshi jarynyń otbasyndaǵy orny men balalaryna degen meiirimin osylai baǵalaitynyn jetkizdi.
Aita keteiik, Abai Begeidiń áieli toida kútpegen baǵaly syilyq utyp aldy.
Abai Begei kim?
Abai Begei - qazaq estradasynyń tanymal ánshisi. Shyn aty-jóni — Abai Niiazqulov. Ónersúier qaýym ony Abai Begei degen sahnalyq esimimen biledi. Ánshi kópshilikke «Aspanǵa qaraimyn» áni arqyly keńinen tanyldy. Bul týyndy toilar men merekelik keshterde jii oryndalyp, onyń tyńdarmanǵa tanylýyna jol ashty. Repertýarynda «Muńaima, Úrbibi», «Anashym» jáne basqa da ánder bar.
Abai Begeidiń shyǵarmashylyǵynda kóńildi ándermen qatar, anaǵa qurmet, saǵynysh pen otbasyna degen súiispenshilikti arqaý etken týyndylar da kezdesedi. Ánshi 2017 jyly «Tańsholpan» baǵdarlamasyna bergen suhbatynda ónerde júrgenine on jyl tolǵanyn aitqan. Sol jyly Mádeniet jáne sport ministrligi ony «Mádeniet salasynyń úzdigi» tósbelgisimen marapattaǵan. Óner iesi óziniń tanymal bolýyna «Aspanǵa qaraimyn» ániniń yqpaly zor bolǵanyn da atap ótken.
Ánshi jeke ómirinde aýyr qazany bastan ótkergen. Onyń aitýynsha, 2014 jyly anasy, al 2015 jyly alǵashqy jubaiy Janat ómirden ótken. Jarynan aiyrylǵannan keiingi kezeńniń ózine de, balalaryna da ońai soqpaǵanyn suhbattarynda ashyq aitqan. Sol ýaqytta úlken qyzy baýyrlaryna qamqor bolyp, balalardyń tárbiesine naǵashy ájeleri de kómektesken. Ánshi marqum jaryna arnap «Janatym» ánin oryndaǵan.
Keiin Abai Begei Fariza Jumanovamen shańyraq kóterdi. Erli-zaiypty áleýmettik jelide otbasylyq sátterin, balalarynyń qyzyǵy men qýanyshty jańalyqtaryn bólisip turady. Ánshiniń jary Fariza da kópshilikke otbasy týraly jazbalary arqyly tanys.
