تانىمال ەنشٸ اباي بەگەي ساحنادا جارىنا العىس ايتىپ, كٶزٸنە جاس الدى, دەپ حابارلايدى ult.kz.

ٶنەر يەسٸ كٶپشٸلٸك الدىندا جۇبايىنا جٷرەكجاردى سٶزٸن ارناپ, قىزدارىنا كٶرسەتٸپ جٷرگەن قامقورلىعى ٷشٸن ريزاشىلىعىن بٸلدٸردٸ.

“مەن جارىما العىس ايتقىم كەلەدٸ. قىزدارىما انا بولىپ جٷرگەنٸڭە راقمەت”, – دەدٸ ەنشٸ تولقىپ.

وسى سٶزدەردٸ ايتقان سەتتە اباي بەگەيدٸڭ كٶزٸنە جاس كەلدٸ. ەنشٸ جارىنىڭ وتباسىنداعى ورنى مەن بالالارىنا دەگەن مەيٸرٸمٸن وسىلاي باعالايتىنىن جەتكٸزدٸ.

ايتا كەتەيٸك, اباي بەگەيدٸڭ ەيەلٸ تويدا كٷتپەگەن باعالى سىيلىق ۇتىپ الدى.

اباي بەگەي كٸم?

اباي بەگەي - قازاق ەستراداسىنىڭ تانىمال ەنشٸسٸ. شىن اتى-جٶنٸ — اباي نييازقۇلوۆ. ٶنەرسٷيەر قاۋىم ونى اباي بەگەي دەگەن ساحنالىق ەسٸمٸمەن بٸلەدٸ. ەنشٸ كٶپشٸلٸككە «اسپانعا قارايمىن» ەنٸ ارقىلى كەڭٸنەن تانىلدى. بۇل تۋىندى تويلار مەن مەرەكەلٸك كەشتەردە جيٸ ورىندالىپ, ونىڭ تىڭدارمانعا تانىلۋىنا جول اشتى. رەپەرتۋارىندا «مۇڭايما, ٷربيبٸ», «اناشىم» جەنە باسقا دا ەندەر بار.

اباي بەگەيدٸڭ شىعارماشىلىعىندا كٶڭٸلدٸ ەندەرمەن قاتار, اناعا قۇرمەت, ساعىنىش پەن وتباسىنا دەگەن سٷيٸسپەنشٸلٸكتٸ ارقاۋ ەتكەن تۋىندىلار دا كەزدەسەدٸ. ەنشٸ 2017 جىلى «تاڭشولپان» باعدارلاماسىنا بەرگەن سۇحباتىندا ٶنەردە جٷرگەنٸنە ون جىل تولعانىن ايتقان. سول جىلى مەدەنيەت جەنە سپورت مينيسترلٸگٸ ونى «مەدەنيەت سالاسىنىڭ ٷزدٸگٸ» تٶسبەلگٸسٸمەن ماراپاتتاعان. ٶنەر يەسٸ ٶزٸنٸڭ تانىمال بولۋىنا «اسپانعا قارايمىن» ەنٸنٸڭ ىقپالى زور بولعانىن دا اتاپ ٶتكەن.

ەنشٸ جەكە ٶمٸرٸندە اۋىر قازانى باستان ٶتكەرگەن. ونىڭ ايتۋىنشا, 2014 جىلى اناسى, ال 2015 جىلى العاشقى جۇبايى جانات ٶمٸردەن ٶتكەن. جارىنان ايىرىلعاننان كەيٸنگٸ كەزەڭنٸڭ ٶزٸنە دە, بالالارىنا دا وڭاي سوقپاعانىن سۇحباتتارىندا اشىق ايتقان. سول ۋاقىتتا ٷلكەن قىزى باۋىرلارىنا قامقور بولىپ, بالالاردىڭ تەربيەسٸنە ناعاشى ەجەلەرٸ دە كٶمەكتەسكەن. ەنشٸ مارقۇم جارىنا ارناپ «جاناتىم» ەنٸن ورىنداعان.

كەيٸن اباي بەگەي فاريزا جۇمانوۆامەن شاڭىراق كٶتەردٸ. ەرلٸ-زايىپتى ەلەۋمەتتٸك جەلٸدە وتباسىلىق سەتتەرٸن, بالالارىنىڭ قىزىعى مەن قۋانىشتى جاڭالىقتارىن بٶلٸسٸپ تۇرادى. ەنشٸنٸڭ جارى فاريزا دا كٶپشٸلٸككە وتباسى تۋرالى جازبالارى ارقىلى تانىس.