اكتريسا داريعا بادىقوۆانىڭ بۇرىنعى كٷيەۋٸ دارحان مۇساەۆ ەلەۋمەتتٸك جەلٸدەگٸ پاراقشاسىندا سوڭعى سۇحباتقا قاتىستى پٸكٸر بٸلدٸردٸ. ول ەشكٸمدٸ كٸنەلامايتىنىن ايتىپ, ەر ادامنىڭ ٶز پٸكٸرٸ بار ەكەنٸن جەتكٸزد, دەپ حابارلايدى ult.kz.

مۇساەۆ جازباسىن ٶزٸن تٷسٸنٸپ, قولداۋ كٶرسەتەتٸن ادامنىڭ جانىندا بولۋى قانشالىقتى ماڭىزدى ەكەنٸن ايتۋدان باستاعان.

“سەنٸ قانداي جاعداي بولسا دا تٷسٸنەتٸن, ەردايىم دەمەۋ بولاتىن بٸر ادامنىڭ بار ەكەنٸ قانداي جاقسى…” – دەپ جازدى ول.

سونداي-اق ول سۇحباتتان كەيٸن ايتىلعان پٸكٸرلەرگە توقتالىپ, ٶزگەلەردٸڭ كٶزقاراسىنا تٷسٸنٸستٸكپەن قارايتىنىن بٸلدٸردٸ.

“سوڭعى سۇحباتقا بايلانىستى, قالعان ادامدار نە دەسە دە, ٶز ەركٸ. مەن ەشكٸمدٸ كٸنەلامايمىن. ەركٸمنٸڭ ٶز شىندىعى, ٶز پٸكٸرٸ بار. ەر ادامنىڭ قاتەلەسۋگە دە قۇقىعى بار. امان بولايىق!” – دەدٸ دارحان مۇساەۆ.

ايتا كەتەيٸك, داريعا بادىقوۆا مەن ولجاس اباي كٶپشٸلٸكتٸڭ نازارىن اۋداردى.

داريعا بادىقوۆا كٸم? 

داريعا بادىقوۆا - قازاقستاندىق تەاتر جەنە كينو اكتريساسى, پروديۋسەر. تولىق اتى-جٶنٸ — داريعا بولاتقىزى بادىقوۆا. ول 1985 جىلى 1 جەلتوقساندا جامبىل وبلىسىنىڭ مويىنقۇم اۋىلىندا دٷنيەگە كەلگەن. ٶنەر جولىندا بولات اتاباەۆتىڭ «اقساراي» مۋزىكالىق تەاترىندا ەڭبەك ەتكەن.

كٶپشٸلٸككە «قازاقشا بيزنەس» فيلمدەرٸندەگٸ ماقپال رٶلٸ ارقىلى كەڭٸنەن تانىلدى. كومەدييالىق رٶلدەرٸمەن كٶرەرمەن ىقىلاسىنا بٶلەندٸ. تەاتر ساحناسىمەن قاتار, وتاندىق كينو جوبالارىنا تٷستٸ. كەيٸن كينو ٶندٸرٸسٸنە ارالاسىپ, پروديۋسەر رەتٸندە دە تانىلا باستادى. 2023 جىلى جارىق كٶرگەن «تاپتىم-اۋ سەنٸ» رومانتيكالىق كومەديياسىندا اكتريسا ەرٸ پروديۋسەر بولدى. بۇل فيلم وتاندىق پروكاتتا جوعارى تابىس جيناعان تۋىندىلاردىڭ قاتارىنا ەندٸ.