Aktrisa Dariǵa Badyqovanyń burynǵy kúieýi Darhan Musaev áleýmettik jelidegi paraqshasynda sońǵy suhbatqa qatysty pikir bildirdi. Ol eshkimdi kinálamaitynyn aityp, ár adamnyń óz pikiri bar ekenin jetkizd, dep habarlaidy ult.kz.

Musaev jazbasyn ózin túsinip, qoldaý kórsetetin adamnyń janynda bolýy qanshalyqty mańyzdy ekenin aitýdan bastaǵan.

“Seni qandai jaǵdai bolsa da túsinetin, árdaiym demeý bolatyn bir adamnyń bar ekeni qandai jaqsy…” – dep jazdy ol.

Sondai-aq ol suhbattan keiin aitylǵan pikirlerge toqtalyp, ózgelerdiń kózqarasyna túsinistikpen qaraitynyn bildirdi.

“Sońǵy suhbatqa bailanysty, qalǵan adamdar ne dese de, óz erki. Men eshkimdi kinálamaimyn. Árkimniń óz shyndyǵy, óz pikiri bar. Ár adamnyń qatelesýge de quqyǵy bar. Aman bolaiyq!” – dedi Darhan Musaev.

Aita keteiik, Dariǵa Badyqova men Oljas Abai kópshiliktiń nazaryn aýdardy.

Dariǵa Badyqova kim? 

Dariǵa Badyqova - qazaqstandyq teatr jáne kino aktrisasy, prodiýser. Tolyq aty-jóni — Dariǵa Bolatqyzy Badyqova. Ol 1985 jyly 1 jeltoqsanda Jambyl oblysynyń Moiynqum aýylynda dúniege kelgen. Óner jolynda Bolat Atabaevtyń «Aqsarai» mýzykalyq teatrynda eńbek etken.

Kópshilikke «Qazaqsha biznes» filmderindegi Maqpal róli arqyly keńinen tanyldy. Komediialyq rólderimen kórermen yqylasyna bólendi. Teatr sahnasymen qatar, otandyq kino jobalaryna tústi. Keiin kino óndirisine aralasyp, prodiýser retinde de tanyla bastady. 2023 jyly jaryq kórgen «Taptym-aý seni» romantikalyq komediiasynda aktrisa ári prodiýser boldy. Bul film otandyq prokatta joǵary tabys jinaǵan týyndylardyń qataryna endi.