تانىمال ەنشٸ ەرٸ اكتريسا اقبوتا-نۇر سەيتماعامبەت 30 جاسقا تولعان تۋعان كٷنٸن مالديۆ ارالدارىندا اتاپ ٶتتٸ. ٶنەر يەسٸ جاڭا جاسقا قادام باسقان سەتتەگٸ سەزٸمٸ مەن الداعى ٶمٸردەن نە كٷتەتٸنٸن ايتىپ, وقىرماندارىمەن سىر بٶلٸستٸ, دەپ حابارلايدى ult.kz.
اقبوتا-نۇر Instagram پاراقشاسىندا مۇحيت جاعاسىندا اق كٶيلەك كيٸپ تٷسكەن بەينەجازباسىن جارييالادى. ول وتىز جاستى جاستىق جٸگەر مەن ٶمٸردەن جيناعان تەجٸريبە توعىساتىن ەرەكشە كەزەڭگە تەڭەگەن.
"جاستىقتىڭ ەكپٸنٸنە جٷرەكتٸڭ دانالىعى قوسىلاتىن شاق", – دەپ جازدى اكتريسا.
ٶنەر يەسٸ جيىرما جاسىندا تالاي ارماننىڭ جەتەگٸندە جٷرٸپ, ٶمٸردەن كٶپ نەرسە كٷتكەنٸن ەسكە الدى. كەيدە قۋانىپ, كەيدە كٶڭٸلٸ تٷسٸپ, ۋاقىت ٶتە كەلە ٶزٸن جاقسىراق تاني باستاعانىن جەتكٸزدٸ.
"بٸر ەسٸكتٸڭ اشىلعانىنا قۋاندىم, بٸر ەسٸكتٸڭ جابىلعانىنا مۇڭايدىم. كەيدە ٶزٸممەن وڭاشا قالعاندا عانا تٷسٸنەتٸن سەزٸمدەرٸم بولدى. كەيبٸر جاۋاپتاردى ۋاقىتتان ٸزدەدٸم, ال كەيبٸرٸن ٶز جٷرەگٸمنٸڭ ٷنٸن تىڭداي بٸلگەنٸمدە عانا تاپتىم!", – دەدٸ ول.
"ٶز بولمىسىما ادال بولعىم كەلەدٸ"
اقبوتا-نۇر ەندٸگٸ ٶمٸرٸندە اسىعىستىققا سالىنباي, ەر سەتتٸڭ قادٸرٸن بٸلگٸسٸ كەلەتٸنٸن ايتتى. ول ٶزگەلەردٸڭ كٶڭٸلٸنەن شىعۋدان گٶرٸ ٶز جٷرەگٸنٸڭ قالاۋىن تىڭداۋدى ماڭىزدى سانايتىنىن جەتكٸزدٸ.
"ەندٸ اسىقپاي ٶمٸر سٷرگٸم كەلەدٸ. ەدەمٸ كٶرٸنۋدٸ عانا ەمەس, ەدەمٸ سەزٸنۋدٸ. بەرٸنە ۇناۋدى ەمەس, ٶز بولمىسىما ادالدىقتى, كٶپكە تانىلۋدى عانا ەمەس, بٸر ادامنىڭ جٷرەگٸنە شىن جىلۋ سىيلاي الۋدى. ارماندارىما جەتۋدٸ عانا ەمەس, سول جولدا ٶزٸمدٸ جوعالتپاۋدى", – دەپ جازدى ەنشٸ.
ونىڭ پٸكٸرٸنشە, ەيەلدٸڭ سۇلۋلىعى جاسىنا ەمەس, جان دٷنيەسٸنە, نەزٸكتٸگٸ مەن پاراساتىنا بايلانىستى. سوندىقتان ول الداعى ۋاقىتتا دا ٶز بولمىسىن جوعالتپاي, ٶمٸردٸڭ ەر كەزەڭٸنەن جاقسىلىق كٶرگٸسٸ كەلەتٸنٸن بٸلدٸردٸ.
ەنشٸ تۋعان كٷنٸندە ەڭ الدىمەن بالالارىنىڭ اماندىعىن تٸلەپ, ۇلى مەن قىزىنىڭ قىزىعىن كٶرۋدٸ ارماندايتىنىن ايتتى.
"اللا ماعان ۇزاق ەرٸ ماعىنالى عۇمىر بەرسٸن! التىن اسىقتاي ۇلىم مەن گٷل ەتٸپ سىيلاعان قىزىمنىڭ بار باقىتىن كٶرۋدٸ جازسىن!" – دەپ جازدى اقبوتا-نۇر.
ٶنەر يەسٸنٸڭ مەرەيتويلىق جازباسى جەلٸ قولدانۋشىلارىنىڭ نازارىن اۋداردى. وقىرماندارى ونى تۋعان كٷنٸمەن قۇتتىقتاپ, جىلى تٸلەكتەرٸن جاۋدىردى. كٶپشٸلٸك اكتريسانىڭ سۇلۋلىعىنا سٷيسٸنٸپ, جاڭا جاسى قۋانىش پەن جاقسىلىققا تولى بولۋىن تٸلەدٸ.
اقبوتا-نۇر كٸم?
اقبوتا-نۇر سەيتماعامبەت – قازاقستاندىق ەنشٸ, اكتريسا جەنە تەلەجٷرگٸزۋشٸ. ول 1996 جىلى 22 قازاندا تٷركٸستان وبلىسىنىڭ كەنتاۋ قالاسىندا دٷنيەگە كەلگەن. ٶنەرگە بالا كەزٸنەن جاقىن بولىپ, سٷگٸر بەيتەرەكوۆ اتىنداعى مۋزىكالىق مەكتەپتە جەتٸ جىل سكريپكا ٷيرەنگەن. كەيٸن مۋزىكالىق بٸلٸمٸن جالعاستىرىپ, ەنشٸلٸك ٶنەرگە دەن قويعان. 2012 جىلى تۋعان قالاسىندا ٶتكەن سۇلۋلىق بايقاۋىندا "كەنتاۋ ارۋى" اتانعان. 2015 جىلى بايان ماقساتقىزى جەتەكشٸلٸك ەتكەن "KeshYOU" توبىنا قابىلدانىپ, كٶپشٸلٸككە تانىلا باستادى. سول جىلى توپ قۇرامىندا ٷندٸستاننىڭ گوا ٶڭٸرٸنە بارىپ, العاشقى شەتەلدٸك بەينەبايانىنىڭ تٷسٸرٸلٸمٸنە قاتىسقان
2016 جىلى رەجيسسەر اسقار ۇزاباەۆتىڭ "گلامۋر دليا دۋر" فيلمٸ ارقىلى كينو سالاسىنا قادام باستى. كەيٸن "تاقيياسىز پەرٸشتە", "قالاي دا توي جاساۋ", "مىستان" جەنە "ٶرمەك" سەكٸلدٸ تۋىندىلارعا تٷستٸ.
سونداي-اق 2023 جىلعى "ماعان نازار اۋدار" جەنە 2024 جىلعى "چاس پيك" فيلمدەرٸندەگٸ رٶلدەرٸمەن تانىلدى
اقبوتا-نۇر اكتەر دەۋرەن ايدارقۇلوۆپەن "گلامۋر دليا دۋر" فيلمٸنٸڭ تٷسٸرٸلٸمٸندە تانىسقان. ەكەۋٸنٸڭ يبراھيم ەسٸمدٸ ۇلى مەن ايشا ەسٸمدٸ قىزى بار. ٶنەرلٸ جۇپ 2020 جىلى ەكٸ جاققا كەتكەنٸمەن, بالالارى ٷشٸن جاقسى قارىم-قاتىناستى ساقتاپ قالعاندارىن ايتقان. اقبوتا-نۇر بۇرىنعى اتا-ەنەسٸنٸڭ بالا تەربيەسٸندە ٶزٸنە قولداۋ كٶرسەتەتٸنٸن دە جاسىرماعان. 2026 جىلعى 22 قازاندا ەنشٸ 30 جاسقا تولىپ, مەرەيتويىن مالديۆ ارالدارىندا اتاپ ٶتتٸ.
