Meirambek Bespaevtyń 50 jas mereitoiyna arnalǵan kontsertke daiyndyq kezinde bilegen ánshiler áleýmettik jelide talqyǵa tústi, dep habarlaidy ult.kz.

Jelide taraǵan beinejazbada Toqtar Serik, Ábdijappar Álqoja jáne Ǵazizhan Shekerbekovtiń daiyndyq barysynda bilep júrgenin kórýge bolady.

Óner ieleriniń biine qatysty qoldanýshylar túrli pikir bildirdi. Olardyń arasynda ánshilerdiń áreketin synaǵandar da boldy.

Beinejazba mereitoilyq kontserttiń ózinde emes, oǵan daiyndyq kezinde túsirilgen.

Aita keteiik, Serik Ibragimov Meirambek Bespaevqa tosynsyi jasady.

Meirambek Bespaev kim? 
 

Meirambek Bespaev — qazaqstandyq ánshi, termeshi, «MýzART» tobynyń múshesi, Qazaqstannyń eńbek sińirgen qairatkeri. Ol 1976 jyly Jambyl oblysynda dúniege kelgen. Bala kezinen án aityp, ónerge erte aralasqan. Tarazdaǵy Glinka atyndaǵy mýzykalyq mekteptiń qobyz synybynda bilim alǵan. Keiin Almatydaǵy Kúlásh Baiseiitova atyndaǵy mýzykalyq mektepte oqýyn jalǵastyrǵan.

Kásibi eńbek jolyn Súiinbai atyndaǵy filarmoniiada ánshi bolyp bastaǵan. Óner jolynda jeke oryndaýshy retinde de, «MýzART» tobynyń quramynda da tanyldy. Sáken Maiǵaziev jáne Kenjebek Janábilovpen birge oryndaǵan ánderi tyńdarmanǵa keńinen tanys. Repertýarynda halyq ánderi, termeler jáne lirikalyq týyndylar bar. Ánshilikten bólek, «Ǵashyq júrek» filminde oinap, akterlik qyrynan da kóringen.