Áleýmettik jelide 67 jastaǵy anasynyń qaitadan baqytyn taýyp, turmys qurýyna qoldaý bildirgen qazaqstandyq azamattyń áreketi kópshiliktiń yqylasyna bólendi, dep habarlaidy ult.kz.
Áserli sáttiń videosyn kásipker Murathan Toqmádidiń qyzy Zere Shákerhan áleýmettik jelidegi paraqshasynda jariialaǵan. Onyń aitýynsha, 67 jastaǵy áiel ómirlik serigin jasy ulǵaiǵan shaǵynda jolyqtyrǵan. Kúieý jigittiń de jasy qalyńdyqpen shamalas.
Jelide taraǵan videoda qalyńdyqty bir jaǵynan bolashaq jary, ekinshi jaǵynan nemeresi qoltyqtap, toi zalyna bastap kele jatqanyn kórýge bolady. Qonaqtar jas jubailardy zor yqylaspen qarsy alyp, erekshe qoshemet kórsetken.
Saltanatty keshte kúieý jigit súiiktisine degen sezimin jasyrmai, oǵan ómiriniń sońyna deiin birge bolýǵa ýáde berdi.
«Olechka, men seni sheksiz jaqsy kóremin. Qalǵan ǵumyrymdy tek senimen birge ótkizgim keledi», – dedi ol.
Bul video áleýmettik jelide keńinen tarap, myńdaǵan pikir jinady. Kópshilik kez kelgen jasta adamnyń baqytty bolýǵa quqyǵy bar ekenin aityp, jas jubailarǵa aq tilekterin joldady. Sondai-aq qoldanýshylar anasynyń tańdaýyn qurmettep, onyń jańa ómir bastaýyna qoldaý kórsetken uldyń áreketin úlgi etip, joǵary baǵalady.
