Qazan aiynda shańyraq kótergen akter Oljas Abai men aktrisa Dariǵa Badyqova alǵash ret jup bolyp suhbat berip, úilený toiynyń qyzyqty sátterimen bólisti. Óner ieleri toida eń qomaqty syilyqty kim bergenin jáne toi shyǵynynyń aqtalǵan-aqtalmaǵanyn aitty, dep habarlaidy ult.kz.
Jas jubailar Dinara Satjannyń Late Night Show baǵdarlamasyna qatysyp, kópshilikti qyzyqtyrǵan suraqtarǵa jaýap berdi. Oljas Abai buǵan deiin túrli podkast pen suhbatqa shaqyrtý alǵandaryn, alaida alǵash ret jup bolyp osy baǵdarlamaǵa kelýdi jón kórgenderin jetkizdi.
"Jaqsy adamnyń jaqsylyǵyn ait, nury tasysyn deidi ǵoi. Ózderińiz kórgendei, áýletimizde jaqsy jańalyqtar bolyp jatyr. Aita bersek, ol jerde áńgime kóp. Rasymen, podkastarǵa kóp shaqyrady, biraq sizge kelip alǵash ret suhbat berip otyrmyz. Kórgenime qýanyshtymyn", – dedi akter.
Áńgime barysynda júrgizýshi toidaǵy eń erekshe syilyq týraly surady. Oljas Abai eń qomaqty aqshalai syidy KinoPark kinoteatrlar jelisiniń basshysy Almas Maldybaev bergenin aitty.
"Toi jaqsy ótti, ádemi boldy. Halyq rizashylyǵyn bildirip, tilekterin aitty. Eń kúshti syilyqty ózimizdiń aǵamyz, kino áleminde alǵa jyljýymyzǵa áser etken KinoPark kinoteatrynyń bastyǵy Almas Maldybaev berdi. Ol 5 million teńge syilady. Osy sátti paidalanyp, Almas myrzaǵa rizashylyǵymdy, inilik qurmetimdi bildirgim keledi", – dedi Oljas Abai.
Munan keiin Dinara Satjan jas jubailardan toidan soń syilyqqa berilgen aqshany qalai sanaǵandaryn surady. Akter bul suraqqa ázilmen jaýap berip, jubaiynyń uqyptylyǵyn sóz etti.
"Ekeýmiz otyryp alyp ashtyq qoi. Sanadyq, jazdyq. Men olai jasamaityn edim. Biraq áiel adamdar ondai emes eken. Sol jerde ashyp, jazyp, Kaspi-de qansha dep eshkimdi umytpaidy eken", – dedi akter kúlip.
Júrgizýshi de ázildi jalǵap, endi Dariǵa Badyqova aldaǵy toilarda kimniń qansha aqsha bergenin bilip otyratynyn aitty. Osy sátte Oljas Abai ekeýiniń túngi saǵat úshke deiin otyryp, konvertterdi ashyp, aqsha sanaǵanyn aityp, stýdiiadaǵy kórermenderdi kúlkige qaryq qyldy.
Suhbattyń taǵy bir qyzyqty tusy toidyń qarjylyq jaǵyna qatysty boldy. Dinara Satjan aktrisadan úilený toiyn ótkizýdiń qanshalyqty tiimdi ekenin surady.
"Tiimdi nárse, ózin japty ǵoi. Minýsqa kirmedik qoi", – dep jaýap berdi Dariǵa Badyqova kúlip.
Osylaisha, ónerli jup úilený toiyna ketken shyǵynnyń tolyq ótelgenin jasyrmady. Degenmen toiǵa jalpy qansha qarajat jumsalǵanyn jáne qonaqtardan naqty qansha aqsha jinalǵanyn ashyp aitpady.
Aita keteiik, Oljas Abai men Dariǵa Badyqova 2026 jyldyń qazan aiynda shańyraq kótergen edi. Olardyń úilenýi kópshiliktiń nazaryn aýdaryp, áleýmettik jelide qyzý talqylandy.
