قازان ايىندا شاڭىراق كٶتەرگەن اكتەر ولجاس اباي مەن اكتريسا داريعا بادىقوۆا العاش رەت جۇپ بولىپ سۇحبات بەرٸپ, ٷيلەنۋ تويىنىڭ قىزىقتى سەتتەرٸمەن بٶلٸستٸ. ٶنەر يەلەرٸ تويدا ەڭ قوماقتى سىيلىقتى كٸم بەرگەنٸن جەنە توي شىعىنىنىڭ اقتالعان-اقتالماعانىن ايتتى, دەپ حابارلايدى ult.kz.
جاس جۇبايلار دينارا ساتجاننىڭ Late Night Show باعدارلاماسىنا قاتىسىپ, كٶپشٸلٸكتٸ قىزىقتىرعان سۇراقتارعا جاۋاپ بەردٸ. ولجاس اباي بۇعان دەيٸن تٷرلٸ پودكاست پەن سۇحباتقا شاقىرتۋ العاندارىن, الايدا العاش رەت جۇپ بولىپ وسى باعدارلاماعا كەلۋدٸ جٶن كٶرگەندەرٸن جەتكٸزدٸ.
"جاقسى ادامنىڭ جاقسىلىعىن ايت, نۇرى تاسىسىن دەيدٸ عوي. ٶزدەرٸڭٸز كٶرگەندەي, ەۋلەتٸمٸزدە جاقسى جاڭالىقتار بولىپ جاتىر. ايتا بەرسەك, ول جەردە ەڭگٸمە كٶپ. راسىمەن, پودكاستارعا كٶپ شاقىرادى, بٸراق سٸزگە كەلٸپ العاش رەت سۇحبات بەرٸپ وتىرمىز. كٶرگەنٸمە قۋانىشتىمىن", – دەدٸ اكتەر.
ەڭگٸمە بارىسىندا جٷرگٸزۋشٸ تويداعى ەڭ ەرەكشە سىيلىق تۋرالى سۇرادى. ولجاس اباي ەڭ قوماقتى اقشالاي سىيدى KinoPark كينوتەاترلار جەلٸسٸنٸڭ باسشىسى الماس مالدىباەۆ بەرگەنٸن ايتتى.
"توي جاقسى ٶتتٸ, ەدەمٸ بولدى. حالىق ريزاشىلىعىن بٸلدٸرٸپ, تٸلەكتەرٸن ايتتى. ەڭ كٷشتٸ سىيلىقتى ٶزٸمٸزدٸڭ اعامىز, كينو ەلەمٸندە العا جىلجۋىمىزعا ەسەر ەتكەن KinoPark كينوتەاترىنىڭ باستىعى الماس مالدىباەۆ بەردٸ. ول 5 ميلليون تەڭگە سىيلادى. وسى سەتتٸ پايدالانىپ, الماس مىرزاعا ريزاشىلىعىمدى, ٸنٸلٸك قۇرمەتٸمدٸ بٸلدٸرگٸم كەلەدٸ", – دەدٸ ولجاس اباي.
مۇنان كەيٸن دينارا ساتجان جاس جۇبايلاردان تويدان سوڭ سىيلىققا بەرٸلگەن اقشانى قالاي ساناعاندارىن سۇرادى. اكتەر بۇل سۇراققا ەزٸلمەن جاۋاپ بەرٸپ, جۇبايىنىڭ ۇقىپتىلىعىن سٶز ەتتٸ.
"ەكەۋمٸز وتىرىپ الىپ اشتىق قوي. سانادىق, جازدىق. مەن ولاي جاسامايتىن ەدٸم. بٸراق ەيەل ادامدار ونداي ەمەس ەكەن. سول جەردە اشىپ, جازىپ, Kaspi-دە قانشا دەپ ەشكٸمدٸ ۇمىتپايدى ەكەن", – دەدٸ اكتەر كٷلٸپ.
جٷرگٸزۋشٸ دە ەزٸلدٸ جالعاپ, ەندٸ داريعا بادىقوۆا الداعى تويلاردا كٸمنٸڭ قانشا اقشا بەرگەنٸن بٸلٸپ وتىراتىنىن ايتتى. وسى سەتتە ولجاس اباي ەكەۋٸنٸڭ تٷنگٸ ساعات ٷشكە دەيٸن وتىرىپ, كونۆەرتتەردٸ اشىپ, اقشا ساناعانىن ايتىپ, ستۋديياداعى كٶرەرمەندەردٸ كٷلكٸگە قارىق قىلدى.
سۇحباتتىڭ تاعى بٸر قىزىقتى تۇسى تويدىڭ قارجىلىق جاعىنا قاتىستى بولدى. دينارا ساتجان اكتريسادان ٷيلەنۋ تويىن ٶتكٸزۋدٸڭ قانشالىقتى تيٸمدٸ ەكەنٸن سۇرادى.
"تيٸمدٸ نەرسە, ٶزٸن جاپتى عوي. مينۋسقا كٸرمەدٸك قوي", – دەپ جاۋاپ بەردٸ داريعا بادىقوۆا كٷلٸپ.
وسىلايشا, ٶنەرلٸ جۇپ ٷيلەنۋ تويىنا كەتكەن شىعىننىڭ تولىق ٶتەلگەنٸن جاسىرمادى. دەگەنمەن تويعا جالپى قانشا قاراجات جۇمسالعانىن جەنە قوناقتاردان ناقتى قانشا اقشا جينالعانىن اشىپ ايتپادى.
ايتا كەتەيٸك, ولجاس اباي مەن داريعا بادىقوۆا 2026 جىلدىڭ قازان ايىندا شاڭىراق كٶتەرگەن ەدٸ. ولاردىڭ ٷيلەنۋٸ كٶپشٸلٸكتٸڭ نازارىن اۋدارىپ, ەلەۋمەتتٸك جەلٸدە قىزۋ تالقىلاندى.
