بٸرٸ تۇرمىسقا شىققان سوڭ ەن ايتۋدى توقتاتتى, ەندٸ بٸرٸ كٷيەۋٸنٸڭ ٶتٸنٸشٸمەن گاسترولدەن باس تارتتى. ال كەيبٸر ەنشٸلەردٸڭ ٶنەردەن ۋاقىتشا كەتۋٸنە وتباسىلىق جاعدايلار مەن ٶمٸرٸندەگٸ اۋىر كەزەڭدەر سەبەپ بولعان. كٶپشٸلٸك الدىندا جارقىراپ جٷرگەن جۇلدىزداردىڭ ساحنا سىرتىنداعى ٶمٸرٸ قانداي بولدى? Ult.kz ٶنەر مەن وتباسىنىڭ اراسىندا تاڭداۋ جاساۋعا تۋرا كەلگەن قازاقستاندىق ەنشٸلەردٸڭ وقيعالارىن جيناقتادى.
قازاق ەستراداسىندا تۇرمىس قۇرعاننان كەيٸن شىعارماشىلىعىن ۋاقىتشا توقتاتقان ەنشٸلەر از ەمەس. ولاردىڭ كەيبٸرٸ وتباسىنا كٶبٸرەك كٶڭٸل بٶلۋدٸ ٶزٸ تاڭداسا, ەندٸ بٸرٸ جارىنىڭ تالاپتارىنا بايلانىستى ساحنادان الىستاعانىن مويىنداعان. مۇنداي شەشٸمدەر بٸرەۋلەردٸڭ شىعارماشىلىق جولىنا ٷزٸلٸس ەكەلسە, باسقالارىنىڭ ٶمٸرٸندە ٷلكەن ٶزگەرٸستەرگە سەبەپ بولدى.
بٸر قىزىعى, كٶپشٸلٸك ٶنەردەن الىستاعان ەنشٸنٸڭ بارلىعىن كٷيەۋٸ ساحناعا شىعارماي وتىر دەپ ويلايدى. الايدا ٶنەر يەلەرٸنٸڭ ٶز سۇحباتتارىنا ٷڭٸلسەك, ەر وتباسىنىڭ وقيعاسى ەرتٷرلٸ. بٸرٸ مۇنداي ەڭگٸمەنٸ راستاعان, ەندٸ بٸرٸ كٶپشٸلٸكتٸڭ بولجامىن جوققا شىعارعان.
1. بالجان بيداش پەن جاحان وتارعاليەۆ: "شىعارماشىلىعىمدى ىسىرىپ تاستادىم"
KeshYOU توبى ارقىلى تانىلعان بالجان بيداش تۇرمىسقا شىققاننان كەيٸن بٸرنەشە جىل ساحنادان كٶرٸنبەي كەتتٸ.
ەنشٸ 2020 جىلى اكتەر ەرٸ پروديۋسەر جاحان وتارعاليەۆپەن شاڭىراق كٶتەرٸپ, شىعارماشىلىقتان گٶرٸ وتباسىلىق ٶمٸرٸنە باسىمدىق بەردٸ. وسى كەزەڭدە ول ەن ايتۋدان الىستاپ, ەلەۋمەتتٸك جەلٸدەگٸ بلوگەرلٸك قىزمەتٸنە كٶبٸرەك كٶڭٸل بٶلدٸ. 2022 جىلى وقىرماندارىنىڭ ساحناعا قاشان ورالاتىنى تۋرالى سۇراعىنا جاۋاپ بەرگەن بالجان وتباسىلى بولعان سوڭ بارلىق شەشٸمدٸ جالعىز قابىلداي المايتىنىن جەتكٸزگەن. ٶنەر يەسٸ كٷيەۋٸنٸڭ گاسترولدٸك ساپارلارعا جيٸ شىعۋىن قالامايتىنىن دا جاسىرماعان. الايدا جۇپتىڭ نەكەسٸ ۇزاققا سوزىلماي, 2023 جىلى اجىراسقانى بەلگٸلٸ بولدى.
اجىراسقاننان كەيٸن بالجان بيداش Harper's Bazaar Kazakhstan باسىلىمىنا ارنايى سۇحبات بەرٸپ, ٷش جىلدان استام ۋاقىت شىعارماشىلىقتان قول ٷزگەنٸن ايتتى. ەنشٸنٸڭ سٶزٸنشە, ول وتباسىن ساقتاپ قالۋ ٷشٸن ٶز قالاۋىن كەيٸنگە ىسىرىپ, كٷيەۋٸنٸڭ تالاپتارىنا بەيٸمدەلگەن. بالجان ٶزٸنە قويىلعان شەكتەۋلەر مەن جەكە قالاۋىنىڭ ەسكەرٸلمەۋٸ اراداعى تٷسٸنٸسپەۋشٸلٸكتٸ كٷشەيتكەنٸن ايتىپ, نەكەنٸ توقتاتۋ تۋرالى شەشٸمدٸ ٶزٸ قابىلداعانىن مەلٸمدەدٸ.
كەيٸن ەنشٸ BIDASH ەسٸمٸمەن جەكە شىعارماشىلىعىن قايتا قولعا الىپ, ساحناعا ورالدى
2. مەدينا سەدۋاقاسوۆا مەن ولجاس سماعۇلوۆ: "تويدان كەيٸن مەنٸ ەش جەردەن كٶرە المادى"
قازاق ەستراداسىنىڭ تانىمال ەنشٸسٸ مەدينا سەدۋاقاسوۆا 2014 جىلى رەجيسسەر ولجاس سماعۇلوۆپەن شاڭىراق كٶتەردٸ. ٶنەر يەسٸ تۇرمىسقا شىققاننان كەيٸن شىعارماشىلىعىن بۇرىنعىداي جالعاستىرا الماي, بٸراز ۋاقىت ساحنادان الىستاعان.
2018 جىلى نتك ارناسىنىڭ "رەۆيۋ" باعدارلاماسىنا بەرگەن سۇحباتىندا ەنشٸ مۇنىڭ سەبەبٸن كٷيەۋٸنٸڭ شەشٸمٸمەن بايلانىستىردى. ونىڭ ايتۋىنشا, تويدان كەيٸن بٸر جىلعا جۋىق كونتسەرتتەرگە قاتىسۋىنا, سۇحبات بەرۋٸنە جەنە تٷسٸرٸلٸمدەرگە بارۋىنا شەكتەۋ قويىلعان. تٸپتٸ شەتەلگە دەمالۋعا شىعۋ مٷمكٸندٸگٸ دە بولماعانىن ەسكە العان.
مەدينا جولداسىنىڭ كٶپشٸلٸك ورتادا جٷرۋدٸ ۇناتپايتىنىن, ەكەۋٸنٸڭ مٸنەزٸ بٸر-بٸرٸنە ۇقسامايتىنىن دا جاسىرمادى. 2023 جىلى "تٶرلەتٸڭٸز" باعدارلاماسىندا ول نەكەنٸڭ العاشقى جىلدارىندا كٷيەۋٸنٸڭ قاتتى قىزعانعانىن ايتىپ, بۇل جاعدايدىڭ ٶنەرٸنە ەسەر ەتكەنٸن جەتكٸزدٸ. دەگەنمەن ۋاقىت ٶتە كەلە ولجاس سماعۇلوۆ جارىنىڭ ساحنادان قول ٷزە المايتىنىن تٷسٸنٸپ, ونىڭ شىعارماشىلىق جۇمىسىنا قولداۋ كٶرسەتە باستاعان.
مەدينا 2018 جىلى بٸر جىلدىڭ ٸشٸندە 23 ەن جازىپ, ٶنەرگە بەلسەندٸ ارالاسقانىن نتك تٸلشٸلەرٸنە ايتقان ەدٸ. وسىلايشا, ەنشٸ تۇرمىستىڭ العاشقى جىلدارىنداعى شەكتەۋلەردەن كەيٸن ساحناعا قايتا ورالىپ, شىعارماشىلىعىن جالعاستىردى.
3. ايدانا مەدەنوۆا مەن ەلٸشەر نۇرجانوۆ: كٷيەۋٸ تىيىم سالدى دەگەن سٶز راس پا?
KeshYOU توبىنىڭ بۇرىنعى ەنشٸسٸ ايدانا مەدەنوۆا دا بٸرنەشە جىل ساحنادان الىستاپ, كٶپشٸلٸكتٸ تٷرلٸ بولجام جاساۋعا مەجبٷر ەتتٸ. ول كەسٸپكەر ەرٸ پروديۋسەر ەلٸشەر نۇرجانوۆپەن وتباسىن قۇرعاننان كەيٸن دە شىعارماشىلىعىن جالعاستىرىپ, جاڭا ەندەر مەن بەينەباياندار شىعارعان.
الايدا كەيٸن ەنشٸ ٶنەردەن كەتەتٸنٸن جارييالاپ, ٷش جىلعا جۋىق مۋزىكالىق جۇمىستارىنا ٷزٸلٸس جاسادى. وسى ارالىقتا ەلەۋمەتتٸك جەلٸدە ونىڭ كٷيەۋٸ ساحناعا شىعۋىنا تىيىم سالعانى جەنە ورامال تاعۋعا مەجبٷرلەگەنٸ تۋرالى ەڭگٸمەلەر تارادى. بٸراق ايدانا 2026 جىلدىڭ قاڭتارىندا Gakku TV ارناسىنا بەرگەن سۇحباتىندا بۇل بولجامداردىڭ شىندىققا جاناسپايتىنىن ايتتى.
ەنشٸنٸڭ سٶزٸنشە, ساحنادان كەتۋٸنە شىعارماشىلىق شارشاۋ, ٶمٸرٸندەگٸ اۋىر وقيعالار جەنە وتباسىلىق سىناقتار سەبەپ بولعان. ول ٶنەردەن قول ٷزۋ تۋرالى شەشٸم قابىلداردان بٸر جىل بۇرىن ەكەسٸنەن ايىرىلعانىن جەنە سول كەزەڭنٸڭ ٶزٸنە وڭاي تيمەگەنٸن جەتكٸزدٸ. ايدانانىڭ ايتۋىنشا, بۇل شەشٸمٸنە كٷيەۋٸ ەلٸشەر نۇرجانوۆتىڭ ٶزٸ دە تاڭعالعان.
كەيٸن "رەۆيۋ" باعدارلاماسىندا ەنشٸ جارىنىڭ ٷنەمٸ قولداۋ كٶرسەتەتٸنٸن جەنە ماڭىزدى شەشٸمدەردٸ بٸرگە قابىلدايتىنىن مەلٸمدەدٸ. ۇزاق ٷزٸلٸستەن كەيٸن ٶنەرگە قايتا ورالعان ايدانا ٶزٸنٸڭ شىعارماشىلىق جولىن جالعاستىراتىنىن كٶرسەتتٸ.
4. كەمشات جولدىباەۆا مەن عازرەت قاجىمۇقانۇلى: "وتباسىلى بولعاننان كەيٸن ۋاقىت كەرەك"
KeshYOU توبى ارقىلى تانىلعان كەمشات جولدىباەۆا جەكە شىعارماشىلىعىندا دا تانىمال ەنشٸ رەتٸندە كٶرەرمەن ىقىلاسىنا بٶلەندٸ. كەيٸن ول اكتەر عازرەت قاجىمۇقانۇلىمەن وتباسىن قۇرىپ, ٶنەردەگٸ بەلسەندٸلٸگٸن بٸرشاما ازايتتى. ەنشٸنٸڭ بۇرىنعىداي جيٸ كونتسەرتتەرگە شىقپاي, كٶپشٸلٸك الدىنا سيرەك كٶرٸنۋٸ ەلەۋمەتتٸك جەلٸدە تٷرلٸ پٸكٸر تۋعىزدى. كەيبٸر وقىرماندار كەمشاتتىڭ ساحنادان الىستاۋىنا كٷيەۋٸ سەبەپ بولدى دەپ بولجادى.
بۇل مەسەلە 2026 جىلعى ناۋرىزدا نتك ارناسىنىڭ "رەۆيۋ" باعدارلاماسىندا اكتەر عازرەت قاجىمۇقانۇلىنا تٸكەلەي قويىلدى.
سۇحبات بارىسىندا اكتەر وتباسىلىق ٶمٸرگە بەيٸمدەلۋ ٷشٸن ۋاقىت قاجەت بولعانىن ايتىپ, العاشقى كەزەڭدە جۇبايىنىڭ ساحنالىق وبرازىنا قاتىستى اقىلداسقاندارىن جاسىرمادى. سونىمەن قاتار ول قازٸر كەمشاتتىڭ سىرتقى كەلبەتٸ مەن شىعارماشىلىق وبرازىنا بايلانىستى شەشٸمدەردٸ ٶزٸ قابىلدايتىنىن جەتكٸزدٸ. عازرەتتٸڭ ايتۋىنشا, ولاردىڭ كٶپشٸلٸك الدىنا قايتا شىعا باستاعانىن كٶرەرمەن دە بايقاعان.
وسىلايشا, اكتەر ەنشٸنٸڭ ٶنەرٸنە بٸرجولا تىيىم سالعانى تۋرالى پٸكٸردٸ راستاعان جوق. كەمشات جولدىباەۆانىڭ وقيعاسى تانىمال ادامنىڭ وتباسىن قۇرعاننان كەيٸنگٸ شىعارماشىلىق ٷزٸلٸسٸ جۇرت اراسىندا قالاي تٷرلٸ بولجامعا ۇلاساتىنىن كٶرسەتەدٸ.
5. ۇلتۋ قاباەۆا مەن رامازان ستامعازيەۆ: ون جىل بويى بالا تەربيەسٸنە كٶڭٸل بٶلگەن ەنشٸ
قازاقتىڭ دەستٷرلٸ ەن ٶنەرٸندە ٶزٸندٸك ورنى بار ۇلتۋ قاباەۆا دا وتباسى ٷشٸن شىعارماشىلىعىنا ۇزاق ۋاقىت ٷزٸلٸس جاساعان ٶنەر يەلەرٸنٸڭ بٸرٸ. ول بەلگٸلٸ ەنشٸ رامازان ستامعازيەۆپەن وتباسىن قۇرىپ, بالالارىنىڭ تەربيەسٸنە كٶبٸرەك كٶڭٸل بٶلگەن.
2017 جىلى "قالاۋلىم" باعدارلاماسىنا بەرگەن سۇحباتىندا ۇلتۋ قاباەۆا ون جىلعا جۋىق ٷيدە وتىرىپ, بالالارى ەسەيگەننەن كەيٸن عانا ساحناعا قايتا شىققانىن ايتتى. سول سۇحباتتا رامازان ستامعازيەۆ جاس شاعىندا گاسترولدٸك ساپارلارعا جيٸ شىعىپ, كەيدە ٷش-تٶرت ايلاپ ٷيٸنە كەلە الماعانىن مويىندادى. وسىنداي كەزەڭدەردٸڭ بٸرٸندە ول جارىنا باسقا ماماندىق تاڭداپ, بالالاردىڭ جانىندا بولۋدى ۇسىنعان.
الايدا ۇلتۋ قاباەۆا ەنشٸلٸكتەن بٸرجولا باس تارتقىسى كەلمەيتٸنٸن ايتىپ, كٷيەۋٸنٸڭ ۇسىنىسىنا كەلٸسپەگەن. رامازان ستامعازيەۆ تە سودان كەيٸن جارىنا ماماندىعىن اۋىستىرۋ تۋرالى قايتىپ سٶز قوزعاماعانىن جەتكٸزدٸ. بالالارى ەرجەتكەن سوڭ ۇلتۋ قاباەۆا بٸلٸمٸن جالعاستىرىپ, ماگيستراتۋرانى تەمامداپ, شىعارماشىلىعىنا قايتا دەن قويعان. كەيٸن ەرلٸ-زايىپتى بٸرگە كونتسەرتتەر ٶتكٸزٸپ, دەستٷرلٸ ەن ٶنەرٸن ناسيحاتتاۋدى جالعاستىردى.
وسىلايشا, ۇلتۋ قاباەۆا وتباسىلىق مٸندەتتەرگە بايلانىستى ساحنادان ۇزاق ۋاقىت الىستاعانىمەن, سٷيٸكتٸ كەسٸبٸن تٷبەگەيلٸ تاستاعان جوق.
ٶنەر مەن وتباسىنىڭ اراسىندا تاڭداۋ جاساۋ ەر ەنشٸنٸڭ ٶمٸرٸندە ەرتٷرلٸ ٸز قالدىرعان. بٸرٸ جارىنىڭ قالاۋىمەن ساحنادان الىستاسا, ەندٸ بٸرٸ بالا تەربيەسٸنە كٶڭٸل بٶلٸپ, شىعارماشىلىعىنا ۋاقىتشا ٷزٸلٸس جاساعان. ال كەيبٸر ٶنەر يەلەرٸ مۇنداي شەشٸمدٸ ٶز ەركٸمەن قابىلداعانىن ايتىپ, كٶپشٸلٸك اراسىندا تاراعان قاۋەسەتتەردٸ جوققا شىعاردى. دەگەنمەن ولاردىڭ باسىم بٶلٸگٸ اراعا جىلدار سالىپ, سٷيٸكتٸ كەسٸبٸنە قايتا ورالدى.
بۇل وقيعالار وتباسى قۇرعاننان كەيٸن دە شىعارماشىلىق جولدى جالعاستىرۋعا بولاتىنىن, الايدا ول ٷشٸن ەرلٸ-زايىپتىلاردىڭ ٶزارا تٷسٸنٸستٸگٸ مەن قولداۋى ماڭىزدى ەكەنٸن كٶرسەتەدٸ.
