قازاق ٶنەرٸندە اتا-اناسىنىڭ ٸزٸن باسىپ, ساحنا مەن شىعارماشىلىقتى تاڭداعاندار از ەمەس. بٸرٸ ەنشٸلٸك دەستٷردٸ جالعاستىرسا, ەندٸ بٸرٸ اكتەرلٸككە نەمەسە ديريجەرلٸككە بەت بۇرعان. Ult.kz ٶنەرلٸ وتباسىنان شىققان التى تۇلعا تۋرالى مەلٸمەت جيناقتادى.
ديماش قۇدايبەرگەن
ديماش قۇدايبەرگەننٸڭ ەكەسٸ قانات ايتباەۆ پەن اناسى سۆەتلانا ايتباەۆا – ەنشٸلەر. ٶنەرلٸ وتباسىندا ٶسكەن ديماش تا مۋزىكاعا ەرتە ارالاسىپ, كەيٸن حالىقارالىق ساحناعا شىقتى. ەكە-شەشەسٸ ەنشٸلٸك جولدى تاڭداسا, ۇلى سول دەستٷردٸ جالعاستىرىپ, قازاق ەنٸن شەتەلدٸك تىڭدارمانعا تانىتىپ جٷر.
ەلي وقاپوۆ
ەلي وقاپوۆ – قازاقستاننىڭ حالىق ەرتٸسٸ روزا رىمباەۆا مەن ديريجەر تاسقىن وقاپوۆتىڭ ۇلى. ول ەنشٸلٸكپەن قاتار پروديۋسەرلٸكپەن دە اينالىسادى. ەلي اناسىنىڭ جولىن قۋىپ, ەستراداعا كەلگەنٸمەن, ٶز رەپەرتۋارىن قالىپتاستىرىپ, جەكە ورىنداۋشى رەتٸندە تانىلدى.
مەدي رىمباەۆ
روزا رىمباەۆا مەن تاسقىن وقاپوۆتىڭ كەنجە ۇلى مەدي دە ەنشٸلٸكتٸ تاڭداعان. ول جەكە ەندەر ورىنداپ, اناسى جەنە اعاسىمەن بٸرگە ساحناعا شىعىپ كەلەدٸ. 2025 جىلى روزا رىمباەۆا ەكٸ ۇلىمەن بٸرلەسكەن ەن مەن بەينەبايان ۇسىندى. وسىلايشا, بٸر شاڭىراقتىڭ ٷش ٶنەرپازى ورتاق شىعارماشىلىق جۇمىستا باس قوستى.
ايجۇلدىز ادايبەكوۆا
ايجۇلدىز ادايبەكوۆا – ەنشٸ ەرٸ اكتريسا جانار ايجانوۆانىڭ قىزى. اناسى سەكٸلدٸ ول دا اكتەرلٸك ٶنەرگە بەت بۇرىپ, كينوعا تٷسٸپ, تەاتر ساحناسىندا ٶنەر كٶرسەتكەن. ايجۇلدىزدىڭ ايتۋىنشا, اناسىمەن بٸرگە بٸر فيلمگە تٷسكەن كەزدەرٸ دە بولعان. كٶرەرمەن ونى «جىنىم سول» فيلمٸندەگٸ رٶلٸنەن دە تانيدى.
دٸنزۋحرا تٸلەنديەۆا
دٸنزۋحرا تٸلەنديەۆا – ەيگٸلٸ كومپوزيتور, كٷيشٸ ەرٸ ديريجەر نۇرعيسا تٸلەنديەۆتٸڭ قىزى. ول ەكەسٸنٸڭ جولىن جالعاپ, ديريجەر ماماندىعىن تاڭدادى. دٸنزۋحرا «وتىرار سازى» وركەسترٸمەن بٸرگە ۇلتتىق مۋزىكانى ناسيحاتتاپ, نۇرعيسا تٸلەنديەۆتٸڭ شىعارمالارىن ورىنداپ كەلەدٸ. ەكەسٸنٸڭ 100 جىلدىعىنا ارنالعان كونتسەرتتەردە دە وركەسترگە ديريجەرلٸك ەتتٸ.
بايعالي سەركەباەۆ
بايعالي سەركەباەۆ – ەيگٸلٸ وپەرا ەنشٸسٸ ەرمەك سەركەباەۆتىڭ ۇلى. ەكەسٸ وپەرا ساحناسىندا تانىلسا, بايعالي ەسترادالىق مۋزىكاعا بەت بۇردى. ول – A’Studio توبىنىڭ نەگٸزٸن قالاۋشى, كومپوزيتور, كلاۆيششٸ ەرٸ پروديۋسەر. توپتىڭ كٶپتەگەن ەنٸ مەن مۋزىكالىق ٶڭدەۋٸنٸڭ اۆتورى رەتٸندە بەلگٸلٸ.
ەكەسٸ ەرمەك سەركەباەۆ ونى كلاسسيكالىق مۋزىكانت رەتٸندە كٶرگٸسٸ كەلگەن. بٸراق بايعالي ەسترادانى تاڭداعان. WEproject-كە بەرگەن سۇحباتىندا ەكەسٸ ونىڭ تاڭداۋىن A’Studio توبىنا 15 جىل تولعاندا عانا مويىنداعانىن ايتقان. كونتسەرتٸنە كەلٸپ, ۇلىنىڭ شىعارماشىلىعىن ٷلكەن ٶنەر دەپ باعالاعان.
