Qazaqstanda densaýlyq saqtaý salasyn tsifrlandyrý zańsyz dári-dármek ainalymyn anyqtaýǵa jáne negizsiz meditsinalyq qyzmetterdiń aldyn alýǵa múmkindik berdi, dep habarlaidy ult.kz.
Úkimettiń málimetinshe, tsifrlyq tańbalaý júiesi zańsyz saýdadaǵy 21 myńnan astam dári-dármekti anyqtaǵan. Arnaiy tańbalaý kodtary preparattardyń qaldyǵy men qozǵalysyn onlain baqylaýǵa, kúmándi aýytqýlardy anyqtaýǵa jáne dárilerdi zańsyz esepten shyǵarýdyń aldyn alýǵa múmkindik beredi.
Tsifrlyq baqylaý meditsinalyq qyzmetterdegi zań buzýshylyqtardy da anyqtaýǵa kómektesip otyr. Júie jalpy quny 10,6 mlrd teńge bolatyn negizsiz meditsinalyq qyzmetterdiń aldyn alǵan.
Qazir Qazaqstandaǵy memlekettik densaýlyq saqtaý qyzmetteriniń 88 paiyzy elektrondy túrde kórsetiledi. 2025 jyly 215 mln-nan astam memlekettik qyzmet usynylsa, onyń 190,8 milliony elektrondy formatta kórsetilgen. Sondai-aq 8,5 mln-nan astam elektrondy meditsinalyq anyqtama berilip, 5,6 mln adam dárigerge onlain jazylǵan.
Tsifrlyq monitoring júiesi 11 mln-nan astam áiel men balany qamtyp otyr. Onyń ishinde shamamen 7 mln bala men 4,3 mln áiel bar. Budan bólek, dinamikalyq baqylaýǵa 3,6 mln patsient engizilgen.
Úkimettiń aitýynsha, densaýlyq saqtaý salasyn tsifrlandyrý meditsina qyzmetkerleriniń júktemesin 30-40 paiyzǵa tómendetýge múmkindik bergen.
