Almatyda 1 194 júrgizýshiniń kólik basqarýyna meditsinalyq turǵydan qarsy kórsetilimderi bar ekeni anyqtaldy. Bul týraly Almaty qalasynyń prokýratýrasy habarlady.
Tekserýdi prokýratýranyń Túrksib aýdandyq prokýratýrasy júrgizgen. Qadaǵalaý organynyń málimetinshe, anyqtalǵan júrgizýshilerdiń densaýlyq jaǵdaiynda kólik quralyn basqarýǵa absoliýtti meditsinalyq qarsy kórsetilimder bar.
Prokýrorlyq qadaǵalaý aktisinen keiin Almaty politsiia departamenti atalǵan azamattardyń júrgizýshi kýálikteriniń qoldanysyn toqtatý boiynsha jumysty bastady.
Qazirgi tańda Almaty sottary 381 talap aryzdy qanaǵattandyrǵan. Qalǵan materialdar boiynsha jumys jalǵasyp jatyr.
Prokýratýranyń málimetinshe, bul sharalar jol qozǵalysy qaýipsizdigin qamtamasyz etý jáne densaýlyq jaǵdaiy basqa jol qozǵalysyna qatysýshylarǵa qaýip tóndirýi múmkin adamdardy kólik júrgizýden shettetý maqsatynda qabyldanyp otyr.
Eger qalǵan ister boiynsha sottar da talaptardy qanaǵattandyrsa, 1 194 almatylyqtyń júrgizýshi kýáliginiń qoldanysy toqtatylýy múmkin.
