Almatyda qoǵamdyq kóliktiń ishinde bolǵan tóbeles videoǵa túsip, áleýmettik jelide tarady. Oqiǵaǵa qatysty politsiia qylmystyq is qozǵady, dep habarlaidy ult.kz.
Instagram-daǵy Novacity.news paraqshasynda jariialanǵan kadrlardan avtobýsta eki er adamnyń aldymen sózge kelip, balaǵat sózdermen janjaldasqany kórinedi. Keiin daý tóbeleske ulasqan.
Bir ýaqytta janjalǵa úshinshi jolaýshy aralasyp, pyshaq ustaǵan kúide qatysýshylarǵa qarai umtylǵan. Osydan keiin avtobýsta dúrbeleń bastalyp, áielder aiqailap, basqa jolaýshylar janjaldy toqtatýǵa tyrysqan.
Almaty qalasynyń Politsiia departamenti oqiǵaǵa qatysty túsinikteme berdi.
Vedomstvo málimetinshe, Túrksib aýdandyq politsiia basqarmasy qylmystyq is qozǵaǵan. Kúdiktiler ustalyp, ýaqytsha ustaý izoliatoryna qamaldy.
«Tóbeleske qatysýshylardyń áreketine quqyqtyq baǵa beriledi. Mundai agressivti ári qoǵamǵa qaýipti minez-qulyqqa jol berilmeidi. Kináliler Qazaqstan Respýblikasynyń zańnamasyna sáikes jaýapqa tartylady», – dep habarlady politsiia.
Oqiǵaǵa qatysty tergeý jalǵasyp jatyr.
Eskertý: video 18+. Kadrlarda beiádep sózder bar.
