الماتىدا قوعامدىق كٶلٸكتٸڭ ٸشٸندە بولعان تٶبەلەس ۆيدەوعا تٷسٸپ, ەلەۋمەتتٸك جەلٸدە تارادى. وقيعاعا قاتىستى پوليتسييا قىلمىستىق ٸس قوزعادى, دەپ حابارلايدى ult.kz.
Instagram-داعى Novacity.news پاراقشاسىندا جارييالانعان كادرلاردان اۆتوبۋستا ەكٸ ەر ادامنىڭ الدىمەن سٶزگە كەلٸپ, بالاعات سٶزدەرمەن جانجالداسقانى كٶرٸنەدٸ. كەيٸن داۋ تٶبەلەسكە ۇلاسقان.
بٸر ۋاقىتتا جانجالعا ٷشٸنشٸ جولاۋشى ارالاسىپ, پىشاق ۇستاعان كٷيدە قاتىسۋشىلارعا قاراي ۇمتىلعان. وسىدان كەيٸن اۆتوبۋستا دٷربەلەڭ باستالىپ, ەيەلدەر ايقايلاپ, باسقا جولاۋشىلار جانجالدى توقتاتۋعا تىرىسقان.
الماتى قالاسىنىڭ پوليتسييا دەپارتامەنتٸ وقيعاعا قاتىستى تٷسٸنٸكتەمە بەردٸ.
ۆەدومستۆو مەلٸمەتٸنشە, تٷركسٸب اۋداندىق پوليتسييا باسقارماسى قىلمىستىق ٸس قوزعاعان. كٷدٸكتٸلەر ۇستالىپ, ۋاقىتشا ۇستاۋ يزولياتورىنا قامالدى.
«تٶبەلەسكە قاتىسۋشىلاردىڭ ەرەكەتٸنە قۇقىقتىق باعا بەرٸلەدٸ. مۇنداي اگرەسسيۆتٸ ەرٸ قوعامعا قاۋٸپتٸ مٸنەز-قۇلىققا جول بەرٸلمەيدٸ. كٸنەلٸلەر قازاقستان رەسپۋبليكاسىنىڭ زاڭناماسىنا سەيكەس جاۋاپقا تارتىلادى», – دەپ حابارلادى پوليتسييا.
وقيعاعا قاتىستى تەرگەۋ جالعاسىپ جاتىر.
ەسكەرتۋ: ۆيدەو 18+. كادرلاردا بەيەدەپ سٶزدەر بار.
