Semeide 52 jastaǵy áieldi óltirgen er adamǵa sot úkimi shyqty. Ol 12 jylǵa bas bostandyǵynan aiyryldy, dep habarlaidy ult.kz.
Sot materialdaryna sáikes, qaiǵyly oqiǵa 2026 jylǵy 17 sáýirde bolǵan. Er adam mas kúiinde burynǵy áieline qyzǵanysh saldarynan shabýyl jasaǵan. Ol áieldi aǵash bitamen birneshe ret urǵan. Jábirlenýshi alǵan jaraqattarynan oqiǵa ornynda kóz jumǵan.
Qylmystyq is QR Qylmystyq kodeksiniń 99-baby 1-bóligi («Adam óltirý») boiynsha qaraldy.
Marqumnyń týystarynyń aitýynsha, áiel buǵan deiin kúieýine ajyrasqysy keletinin aitqan. Osydan keiin er adam onyń jeke zattary men qujattaryn, sondai-aq balalarynyń qujattaryn órtep jibergen. Keiin áieldi ańdyp júrgen.
Sot er adamdy kináli dep tanyp, 12 jylǵa bas bostandyǵynan aiyrý jazasyn taǵaiyndady. Sonymen qatar marqumnyń aǵasyna 10 million teńge kóleminde moraldyq ótemaqy óndirildi.
Marqumnyń artynda eki kámeletke tolmaǵan balasy qalǵan. Sot olardyń ári qaraiǵy jaǵdaiyn sheshý úshin Semei qalasynyń qorǵanshylyq jáne qamqorshylyq organyna tiisti tapsyrma bergen.
Úkim ázirge zańdy kúshine engen joq.
