سەمەيدە 52 جاستاعى ەيەلدٸ ٶلتٸرگەن ەر ادامعا سوت ٷكٸمٸ شىقتى. ول 12 جىلعا باس بوستاندىعىنان ايىرىلدى, دەپ حابارلايدى ult.kz.
سوت ماتەريالدارىنا سەيكەس, قايعىلى وقيعا 2026 جىلعى 17 سەۋٸردە بولعان. ەر ادام ماس كٷيٸندە بۇرىنعى ەيەلٸنە قىزعانىش سالدارىنان شابۋىل جاساعان. ول ەيەلدٸ اعاش بيتامەن بٸرنەشە رەت ۇرعان. جەبٸرلەنۋشٸ العان جاراقاتتارىنان وقيعا ورنىندا كٶز جۇمعان.
قىلمىستىق ٸس قر قىلمىستىق كودەكسٸنٸڭ 99-بابى 1-بٶلٸگٸ («ادام ٶلتٸرۋ») بويىنشا قارالدى.
مارقۇمنىڭ تۋىستارىنىڭ ايتۋىنشا, ەيەل بۇعان دەيٸن كٷيەۋٸنە اجىراسقىسى كەلەتٸنٸن ايتقان. وسىدان كەيٸن ەر ادام ونىڭ جەكە زاتتارى مەن قۇجاتتارىن, سونداي-اق بالالارىنىڭ قۇجاتتارىن ٶرتەپ جٸبەرگەن. كەيٸن ەيەلدٸ اڭدىپ جٷرگەن.
سوت ەر ادامدى كٸنەلٸ دەپ تانىپ, 12 جىلعا باس بوستاندىعىنان ايىرۋ جازاسىن تاعايىندادى. سونىمەن قاتار مارقۇمنىڭ اعاسىنا 10 ميلليون تەڭگە كٶلەمٸندە مورالدىق ٶتەماقى ٶندٸرٸلدٸ.
مارقۇمنىڭ ارتىندا ەكٸ كەمەلەتكە تولماعان بالاسى قالعان. سوت ولاردىڭ ەرٸ قارايعى جاعدايىن شەشۋ ٷشٸن سەمەي قالاسىنىڭ قورعانشىلىق جەنە قامقورشىلىق ورگانىنا تيٸستٸ تاپسىرما بەرگەن.
ٷكٸم ەزٸرگە زاڭدى كٷشٸنە ەنگەن جوق.
