Qazaqstandyq kásipker 290 mln teńgeden astam salyqty tóleýden jaltarǵany úshin halyqaralyq izdeýge jariialanǵan, dep habarlaidy ult.kz.
Qazaqstanǵa asa iri mólsherde salyq tóleýden jaltardy degen kúdikke ilingen azamat Reseiden ekstraditsiialandy. Bul týraly QR Bas prokýratýrasy habarlady.
Tergeý dereginshe, kúdikti 2022-2023 jyldary kommertsiialyq uiymnyń direktory qyzmetin atqaryp, kirister deklaratsiiasyna burmalanǵan málimetter engizgen. Sonyń saldarynan memleketke 290 mln teńgeden astam salyq tólenbegen.
Qylmystan keiin kúdikti tergeý organdarynan jasyrynǵan. Osyǵan bailanysty ol halyqaralyq izdeýge jariialanǵan. Biyl qańtarda azamat Reseidiń Krasnodar qalasynda ustalyp, Qazaqstan Bas prokýratýrasynyń suraýy boiynsha elge qaitaryldy.
Qazir kúdikti tergeý izoliatoryna qamalǵan.
Eger onyń kinási sotta dáleldense, úsh jylǵa deiin belgili bir laýazymdardy atqarý nemese belgili bir qyzmetpen ainalysý quqyǵynan aiyra otyryp, segiz jylǵa deiin bas bostandyǵynan aiyrylýy múmkin.
Aita keteiik, buǵan deiin memleketke 1 mlrd teńge kóleminde zalal keltirdi degen kúdikti de Reseiden Qazaqstanǵa ekstraditsiialanǵan bolatyn.
