قازاقستاندىق كەسٸپكەر 290 ملن تەڭگەدەن استام سالىقتى تٶلەۋدەن جالتارعانى ٷشٸن حالىقارالىق ٸزدەۋگە جارييالانعان, دەپ حابارلايدى ult.kz.
قازاقستانعا اسا ٸرٸ مٶلشەردە سالىق تٶلەۋدەن جالتاردى دەگەن كٷدٸككە ٸلٸنگەن ازامات رەسەيدەن ەكستراديتسييالاندى. بۇل تۋرالى قر باس پروكۋراتۋراسى حابارلادى.
تەرگەۋ دەرەگٸنشە, كٷدٸكتٸ 2022-2023 جىلدارى كوممەرتسييالىق ۇيىمنىڭ ديرەكتورى قىزمەتٸن اتقارىپ, كٸرٸستەر دەكلاراتسيياسىنا بۇرمالانعان مەلٸمەتتەر ەنگٸزگەن. سونىڭ سالدارىنان مەملەكەتكە 290 ملن تەڭگەدەن استام سالىق تٶلەنبەگەن.
قىلمىستان كەيٸن كٷدٸكتٸ تەرگەۋ ورگاندارىنان جاسىرىنعان. وسىعان بايلانىستى ول حالىقارالىق ٸزدەۋگە جارييالانعان. بيىل قاڭتاردا ازامات رەسەيدٸڭ كراسنودار قالاسىندا ۇستالىپ, قازاقستان باس پروكۋراتۋراسىنىڭ سۇراۋى بويىنشا ەلگە قايتارىلدى.
قازٸر كٷدٸكتٸ تەرگەۋ يزولياتورىنا قامالعان.
ەگەر ونىڭ كٸنەسٸ سوتتا دەلەلدەنسە, ٷش جىلعا دەيٸن بەلگٸلٸ بٸر لاۋازىمداردى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان ايىرا وتىرىپ, سەگٸز جىلعا دەيٸن باس بوستاندىعىنان ايىرىلۋى مٷمكٸن.
ايتا كەتەيٸك, بۇعان دەيٸن مەملەكەتكە 1 ملرد تەڭگە كٶلەمٸندە زالال كەلتٸردٸ دەگەن كٷدٸكتٸ دە رەسەيدەن قازاقستانعا ەكستراديتسييالانعان بولاتىن.
