قازاقستاندا دەنساۋلىق ساقتاۋ سالاسىن تسيفرلاندىرۋ زاڭسىز دەرٸ-دەرمەك اينالىمىن انىقتاۋعا جەنە نەگٸزسٸز مەديتسينالىق قىزمەتتەردٸڭ الدىن الۋعا مٷمكٸندٸك بەردٸ, دەپ حابارلايدى ult.kz.
ٷكٸمەتتٸڭ مەلٸمەتٸنشە, تسيفرلىق تاڭبالاۋ جٷيەسٸ زاڭسىز ساۋداداعى 21 مىڭنان استام دەرٸ-دەرمەكتٸ انىقتاعان. ارنايى تاڭبالاۋ كودتارى پرەپاراتتاردىڭ قالدىعى مەن قوزعالىسىن ونلاين باقىلاۋعا, كٷمەندٸ اۋىتقۋلاردى انىقتاۋعا جەنە دەرٸلەردٸ زاڭسىز ەسەپتەن شىعارۋدىڭ الدىن الۋعا مٷمكٸندٸك بەرەدٸ.
تسيفرلىق باقىلاۋ مەديتسينالىق قىزمەتتەردەگٸ زاڭ بۇزۋشىلىقتاردى دا انىقتاۋعا كٶمەكتەسٸپ وتىر. جٷيە جالپى قۇنى 10,6 ملرد تەڭگە بولاتىن نەگٸزسٸز مەديتسينالىق قىزمەتتەردٸڭ الدىن العان.
قازٸر قازاقستانداعى مەملەكەتتٸك دەنساۋلىق ساقتاۋ قىزمەتتەرٸنٸڭ 88 پايىزى ەلەكتروندى تٷردە كٶرسەتٸلەدٸ. 2025 جىلى 215 ملن-نان استام مەملەكەتتٸك قىزمەت ۇسىنىلسا, ونىڭ 190,8 ميلليونى ەلەكتروندى فورماتتا كٶرسەتٸلگەن. سونداي-اق 8,5 ملن-نان استام ەلەكتروندى مەديتسينالىق انىقتاما بەرٸلٸپ, 5,6 ملن ادام دەرٸگەرگە ونلاين جازىلعان.
تسيفرلىق مونيتورينگ جٷيەسٸ 11 ملن-نان استام ەيەل مەن بالانى قامتىپ وتىر. ونىڭ ٸشٸندە شامامەن 7 ملن بالا مەن 4,3 ملن ەيەل بار. بۇدان بٶلەك, ديناميكالىق باقىلاۋعا 3,6 ملن پاتسيەنت ەنگٸزٸلگەن.
ٷكٸمەتتٸڭ ايتۋىنشا, دەنساۋلىق ساقتاۋ سالاسىن تسيفرلاندىرۋ مەديتسينا قىزمەتكەرلەرٸنٸڭ جٷكتەمەسٸن 30-40 پايىزعا تٶمەندەتۋگە مٷمكٸندٸك بەرگەن.
