Qazaqstanǵa jetkizilip, tabiǵi ortaǵa jiberilgen Amýr jolbarysy Úmit jańa mekenine tez beiimdelip jatyr. Alǵashqy 10 kúnniń ózinde jyrtqysh qasqyr men jabaiy qaban aýlap, ózdiginen qorek taba alatynyn kórsetti, dep habarlaidy ult.kz.
Bul týraly Ekologiia jáne tabiǵi resýrstar ministrligi habarlady.
Mamandar Úmittiń qozǵalysyn GPS-qarǵybaý arqyly turaqty baqylaýda ustap otyr. Sonymen qatar jolbarys júrgen aýmaqtarǵa dalalyq tekserý júrgizilýde.
Monitoring nátijesinde Úmittiń qasqyr aýlap, birneshe kún boiy sol oljamen qorektengeni anyqtalǵan. Keiin ol jabaiy qabandy da ustaǵan.
Aita keteiik, Qazaqstanda 70 jyldan keiin alǵash ret Amýr jolbarysy tabiǵi mekenine jiberildi. Úmittiń alǵashqy kúnderdegi áreketi onyń jańa ortaǵa beiimdelip, tabiǵi jaǵdaida ózdiginen tirshilik ete bastaǵanyn kórsetedi.
Qazir mamandar jolbarystyń qozǵalysyn kún saiyn baqylap, onyń tabiǵi ortaǵa beiimdelý barysyn zerttep jatyr.
