2023-2025 jylǵa deiin dárigerlerdiń jalaqysy kezeń-kezeńimen kóbeiedi. Bul týraly QR DSM Respýblikalyq densaýlyq saqtaýdy damytý ortalyǵynyń bas direktory Qanat Tósekbaev aityp berdi, dep habarlaidy QazAqparat tilshisi.
«Memlekettik densaýlyq saqtaý baǵdarlamasy boiynsha 2023-2025 jylǵa deiin dárigerlerdiń jyl saiyn jalaqysyn kóterý josparlanyp otyr. 2017 jyly dárigerlerdiń ailyǵy 98 myń teńge bolsa, búgingi kúni ortasha jalaqy 253 myńǵa deiin jetedi. Al 2025 jyly dárigerderdiń ortasha ailyǵy 550 myńǵa deiin jetedi dep josparlap otyrmyz», - dedi Q. Tósekbaev Ortalyq kommýnikatsiialar ortalyǵynda ótken onlain brifingte.
Onyń aitýynsha, 2018-2020 jyldary ortasha meditsinalyq qyzmetkerlerdiń de eńbekaqysy ósip keledi. Máselen, 2018 jyly olardyń ortasha ailyǵy 90 843 teńge bolsa, qazir – 161 281 teńge. Iaǵni, eńbekaqy 56%-ǵa artqan.
Aita keteiik, Qazaqstanda 4122 shtattyq orynǵa dárigerler qajet. Ásirese, anesteziolog-reanimatolog, terapevt, jalpy praktikalyq dáriger, zerthanashy dáriger, akýsher-ginekolog, infektsiialyq dárigerler jetispei jatyr. Ortasha meditsinalyq qyzmetkerler arasynda 8583 bos shtattyq oryn bar.
Bir jylda elimizde 31 myń mamany jumystan shyǵyp, 1200 maman shetelge ketken.
