2023-2025 جىلعا دەيٸن دەرٸگەرلەردٸڭ جالاقىسى كەزەڭ-كەزەڭٸمەن كٶبەيەدٸ. بۇل تۋرالى قر دسم رەسپۋبليكالىق دەنساۋلىق ساقتاۋدى دامىتۋ ورتالىعىنىڭ باس ديرەكتورى قانات تٶسەكباەۆ ايتىپ بەردٸ, دەپ حابارلايدى قازاقپارات تٸلشٸسٸ.
«مەملەكەتتٸك دەنساۋلىق ساقتاۋ باعدارلاماسى بويىنشا 2023-2025 جىلعا دەيٸن دەرٸگەرلەردٸڭ جىل سايىن جالاقىسىن كٶتەرۋ جوسپارلانىپ وتىر. 2017 جىلى دەرٸگەرلەردٸڭ ايلىعى 98 مىڭ تەڭگە بولسا, بٷگٸنگٸ كٷنٸ ورتاشا جالاقى 253 مىڭعا دەيٸن جەتەدٸ. ال 2025 جىلى دەرٸگەردەردٸڭ ورتاشا ايلىعى 550 مىڭعا دەيٸن جەتەدٸ دەپ جوسپارلاپ وتىرمىز», - دەدٸ ق. تٶسەكباەۆ ورتالىق كوممۋنيكاتسييالار ورتالىعىندا ٶتكەن ونلاين بريفينگتە.
ونىڭ ايتۋىنشا, 2018-2020 جىلدارى ورتاشا مەديتسينالىق قىزمەتكەرلەردٸڭ دە ەڭبەكاقىسى ٶسٸپ كەلەدٸ. مەسەلەن, 2018 جىلى ولاردىڭ ورتاشا ايلىعى 90 843 تەڭگە بولسا, قازٸر – 161 281 تەڭگە. ياعني, ەڭبەكاقى 56%-عا ارتقان.
ايتا كەتەيٸك, قازاقستاندا 4122 شتاتتىق ورىنعا دەرٸگەرلەر قاجەت. ەسٸرەسە, انەستەزيولوگ-رەانيماتولوگ, تەراپەۆت, جالپى پراكتيكالىق دەرٸگەر, زەرتحاناشى دەرٸگەر, اكۋشەر-گينەكولوگ, ينفەكتسييالىق دەرٸگەرلەر جەتٸسپەي جاتىر. ورتاشا مەديتسينالىق قىزمەتكەرلەر اراسىندا 8583 بوس شتاتتىق ورىن بار.
بٸر جىلدا ەلٸمٸزدە 31 مىڭ مامانى جۇمىستان شىعىپ, 1200 مامان شەتەلگە كەتكەن.
