Olimpiada chempiony, qazaqstandyq boksshy Daniiar Eleýsinov ákimshilik qamaý merzimin ótep, bostandyqqa shyqty. Ol arnaiy qabyldaý ornynan shyqqannan keiin jýrnalisterge qysqasha pikir bildirip, bolǵan oqiǵaǵa ókinetinin aitty, dep habarlaidy ult.kz.
«Bul oqiǵaǵa qatysty aitarym – bolǵan nárse boldy, ony ózderińiz de kórdińizder. Osy jaǵdaiǵa qatty ókinemin», – dedi sportshy.
Boksshyny qamaýdan shyqqan sátte jubaiy Alina men jaqyn dostary kútip aldy.
Eske salaiyq, buǵan deiin Astanada Daniiar Eleýsinovtiń mas kúiinde kólik júrgizgeni anyqtalǵan bolatyn. Sot sheshimimen ol 20 táýlikke ákimshilik qamaýǵa alynyp, 7 jyl merzimge kólik júrgizý quqyǵynan aiyrylǵan edi.
Oqiǵadan keiin sportshy alǵash ret kópshilik aldyna shyǵyp, jasaǵan áreketine ókinish bildirdi.
