Qyzylorda oblystyq politsiia departamenti Shieli aýdanynda qyz balanyń kisi qolynan qaza tabý kúdigi boiynsha iske bailanysty túsinik berdi, dep habarlaidy ult.kz.
Politsiiaǵa 3 maýsym kúni keshki ýaqytta Shieli aýdanynyń aýyl turǵyny kanaldaǵy shliýz sýynan qyz balanyń máiiti tabylǵanyn habarlaǵan.
— Oqiǵa ornyna politsiia qyzmetkerleri dereý bardy. Qyz balanyń jeke basy anyqtaldy. Atalǵan derek boiynsha adam óltirý deregimen qylmystyq is qozǵaldy.
Aldyn ala anyqtalǵandai, týystarynyń aitýynsha, qyzy 2 maýsym kúni keshke úiinen shyǵyp ketip, qaita oralmaǵan.
Qazirgi ýaqytta qylmysty ashý jáne kúdiktini ustaý maqsatynda tájiribeli qyzmetkerlerden jedel tergeý toby quryldy. Oqiǵanyń mán-jaiyn anyqtaýǵa baǵyttalǵan jedel-izdestirý sharalary júrgizilip jatyr, — delingen habarlamada.
Tergeý múddesine bailanysty sotqa deiingi tergep-tekserý derekteri jariia etilmedi.
