15 qyrkúiekten bastap Qytaida shekaradan ótýge qatysty jańa erejeler kúshine enedi. Jańartylǵan talaptarǵa sáikes, elden shyǵatyn azamattar men sheteldikter sapar maqsatyn rastaityn qujattardy usynýy tiis, dep habarlaidy ult.kz.
Jańa tártip boiynsha shekara qyzmetkerleri saiahatshylardan qosymsha suhbat alyp, qajet bolǵan jaǵdaida smartfondar men noýtbýkterdegi aqparatty tekserýge quqyly bolady. Bilik bul sharalar ulttyq qaýipsizdikti kúsheitý jáne mańyzdy aqparattyń syrtqa taralýyn boldyrmaý maqsatynda engizilip otyrǵanyn málimdedi.
Sondai-aq Qytai azamattarynyń áleýmettik jelidegi belsendiligi nemese ulttyq múddege qaishy dep tanylǵan áreketteri shetelge shyǵýǵa ýaqytsha shekteý qoiýǵa negiz bolýy múmkin.
Sarapshylardyń pikirinshe, jańa talaptar shetelge oqýǵa jiberý, kóshi-qon jáne halyqaralyq issaparlardy uiymdastyratyn kompaniialardyń jumysyna da áser etedi. Sondyqtan Qytaiǵa saparlaityn azamattarǵa jol júrý maqsatyn dáleldeitin barlyq qujattardy aldyn ala daiyndaý usynylady.
