15 قىركٷيەكتەن باستاپ قىتايدا شەكارادان ٶتۋگە قاتىستى جاڭا ەرەجەلەر كٷشٸنە ەنەدٸ. جاڭارتىلعان تالاپتارعا سەيكەس, ەلدەن شىعاتىن ازاماتتار مەن شەتەلدٸكتەر ساپار ماقساتىن راستايتىن قۇجاتتاردى ۇسىنۋى تيٸس, دەپ حابارلايدى ult.kz.
جاڭا تەرتٸپ بويىنشا شەكارا قىزمەتكەرلەرٸ ساياحاتشىلاردان قوسىمشا سۇحبات الىپ, قاجەت بولعان جاعدايدا سمارتفوندار مەن نوۋتبۋكتەردەگٸ اقپاراتتى تەكسەرۋگە قۇقىلى بولادى. بيلٸك بۇل شارالار ۇلتتىق قاۋٸپسٸزدٸكتٸ كٷشەيتۋ جەنە ماڭىزدى اقپاراتتىڭ سىرتقا تارالۋىن بولدىرماۋ ماقساتىندا ەنگٸزٸلٸپ وتىرعانىن مەلٸمدەدٸ.
سونداي-اق قىتاي ازاماتتارىنىڭ ەلەۋمەتتٸك جەلٸدەگٸ بەلسەندٸلٸگٸ نەمەسە ۇلتتىق مٷددەگە قايشى دەپ تانىلعان ەرەكەتتەرٸ شەتەلگە شىعۋعا ۋاقىتشا شەكتەۋ قويۋعا نەگٸز بولۋى مٷمكٸن.
ساراپشىلاردىڭ پٸكٸرٸنشە, جاڭا تالاپتار شەتەلگە وقۋعا جٸبەرۋ, كٶشٸ-قون جەنە حالىقارالىق ٸسساپارلاردى ۇيىمداستىراتىن كومپانييالاردىڭ جۇمىسىنا دا ەسەر ەتەدٸ. سوندىقتان قىتايعا ساپارلايتىن ازاماتتارعا جول جٷرۋ ماقساتىن دەلەلدەيتٸن بارلىق قۇجاتتاردى الدىن الا دايىنداۋ ۇسىنىلادى.
