Túrkiianyń TAV Airports holdingi Almaty halyqaralyq áýejaiynyń qalǵan 15 paiyz aktsiiasyn 133 million dollarǵa satyp alyp, nysannyń jalǵyz iesine ainaldy, dep habarlaidy ult.kz.
Kompaniianyń resmi málimetinshe, mámile aiasynda minoritarlyq aktsioner VPE Capital-ǵa tiesili 15 paiyzdyq úles 133 million dollarǵa satyp alynǵan. Qazirgi ýaqytta mámileni rásimdeý aiaqtalýǵa jaqyn.
TAV Airports bas atqarýshy direktory Serkan Kaptannyń aitýynsha, Almaty áýejaiy joǵary operatsiialyq kórsetkishterin saqtap, Ortalyq Aziiadaǵy mańyzdy aviatsiialyq hab retindegi ornyn nyǵaityp keledi.
– Almatyǵa baǵyttalǵan investitsiialar josparǵa sai júzege asyrylýda. Jyl sońyna deiin jolaýshyǵa shaqqandaǵy tarifterdiń kezeń-kezeńimen ósýin kútip otyrmyz. Bul aviaotyn kóleminiń qysqarýyna bailanysty túsimdegi tómendeýdiń ornyn edáýir toltyrýǵa múmkindik beredi, – dedi Serkan Kaptan.
Onyń sózinshe, kompaniia aldaǵy ýaqytta da áýejaidyń tabystylyǵyn arttyrýǵa, operatsiialyq tiimdilikti jaqsartýǵa jáne uzaq merzimdi kiris kózderin qalyptastyrýǵa basymdyq beredi.
Qazir Almaty halyqaralyq áýejaiynda aýqymdy jańǵyrtý jumystary jalǵasyp jatyr. Olar Horizon jobasynyń alǵashqy kezeńi men 2050 jylǵa deiingi uzaq merzimdi master-jospar aiasynda júzege asyrylýda.
Joba sheńberinde ishki reisterge arnalǵan T1 terminaly jańartylyp jatyr. Negizgi jumystardyń biri – jolaýshylardy tirkeý jáne ushyp shyǵý aimaqtaryn jańǵyrtý. Qazir 10 tirkeý orny tolyq jańartylyp, taǵy 13 oryn qaita jabdyqtalýda. Jańartylǵan tirkeý aimaǵynyń jalpy aýmaǵy 1 700 sharshy metrdi quraidy.
Sonymen qatar jolaýshylarǵa qyzmet kórsetý sapasyn arttyrý maqsatynda ushý aldyndaǵy rásimderdi jedeldetetin jolaýshylar men otyrǵyzý qujattaryn tekserýge arnalǵan bes avtomattandyrylǵan TDAS pýnkti ornatyldy.
