تٷركييانىڭ TAV Airports حولدينگٸ الماتى حالىقارالىق ەۋەجايىنىڭ قالعان 15 پايىز اكتسيياسىن 133 ميلليون دوللارعا ساتىپ الىپ, نىساننىڭ جالعىز يەسٸنە اينالدى, دەپ حابارلايدى ult.kz.
كومپانييانىڭ رەسمي مەلٸمەتٸنشە, مەمٸلە اياسىندا مينوريتارلىق اكتسيونەر VPE Capital-عا تيەسٸلٸ 15 پايىزدىق ٷلەس 133 ميلليون دوللارعا ساتىپ الىنعان. قازٸرگٸ ۋاقىتتا مەمٸلەنٸ رەسٸمدەۋ اياقتالۋعا جاقىن.
TAV Airports باس اتقارۋشى ديرەكتورى سەركان كاپتاننىڭ ايتۋىنشا, الماتى ەۋەجايى جوعارى وپەراتسييالىق كٶرسەتكٸشتەرٸن ساقتاپ, ورتالىق ازيياداعى ماڭىزدى اۆياتسييالىق حاب رەتٸندەگٸ ورنىن نىعايتىپ كەلەدٸ.
– الماتىعا باعىتتالعان ينۆەستيتسييالار جوسپارعا ساي جٷزەگە اسىرىلۋدا. جىل سوڭىنا دەيٸن جولاۋشىعا شاققانداعى تاريفتەردٸڭ كەزەڭ-كەزەڭٸمەن ٶسۋٸن كٷتٸپ وتىرمىز. بۇل اۆياوتىن كٶلەمٸنٸڭ قىسقارۋىنا بايلانىستى تٷسٸمدەگٸ تٶمەندەۋدٸڭ ورنىن ەدەۋٸر تولتىرۋعا مٷمكٸندٸك بەرەدٸ, – دەدٸ سەركان كاپتان.
ونىڭ سٶزٸنشە, كومپانييا الداعى ۋاقىتتا دا ەۋەجايدىڭ تابىستىلىعىن ارتتىرۋعا, وپەراتسييالىق تيٸمدٸلٸكتٸ جاقسارتۋعا جەنە ۇزاق مەرزٸمدٸ كٸرٸس كٶزدەرٸن قالىپتاستىرۋعا باسىمدىق بەرەدٸ.
قازٸر الماتى حالىقارالىق ەۋەجايىندا اۋقىمدى جاڭعىرتۋ جۇمىستارى جالعاسىپ جاتىر. ولار Horizon جوباسىنىڭ العاشقى كەزەڭٸ مەن 2050 جىلعا دەيٸنگٸ ۇزاق مەرزٸمدٸ ماستەر-جوسپار اياسىندا جٷزەگە اسىرىلۋدا.
جوبا شەڭبەرٸندە ٸشكٸ رەيستەرگە ارنالعان T1 تەرمينالى جاڭارتىلىپ جاتىر. نەگٸزگٸ جۇمىستاردىڭ بٸرٸ – جولاۋشىلاردى تٸركەۋ جەنە ۇشىپ شىعۋ ايماقتارىن جاڭعىرتۋ. قازٸر 10 تٸركەۋ ورنى تولىق جاڭارتىلىپ, تاعى 13 ورىن قايتا جابدىقتالۋدا. جاڭارتىلعان تٸركەۋ ايماعىنىڭ جالپى اۋماعى 1 700 شارشى مەتردٸ قۇرايدى.
سونىمەن قاتار جولاۋشىلارعا قىزمەت كٶرسەتۋ ساپاسىن ارتتىرۋ ماقساتىندا ۇشۋ الدىنداعى رەسٸمدەردٸ جەدەلدەتەتٸن جولاۋشىلار مەن وتىرعىزۋ قۇجاتتارىن تەكسەرۋگە ارنالعان بەس اۆتوماتتاندىرىلعان TDAS پۋنكتٸ ورناتىلدى.
