Сот процесінде куәгер Ұлдана Мырзуан ісі бойынша мүлік иелерінің бірлестігі басшысының хабардар болғанын растады, деп хабарлайды ult.kz НЕХабар telegram арнасына сілтеме жасап.
Астанада үй қасбетінің опырылуына қатысты іс бойынша өткен сот отырысында тұрғын үй кешенінің бұрынғы басқарушысы Гүлжаухар Ахметова сотталушы Сәуле Жұбаниязованың үй чатында белсенді болғанын және ғимараттағы мәселелерден хабардар екенін айтты. Ол: «ол жерде міндетті түрде бәріміз білдік» дейді, алайда Жұбаниязова талқылауларға қатыспаған.
Бұған дейін Ахметова ғимараттың қасбетінде жарықшақ пайда болғанын, оны мамандар жөндегенін айтқан еді.
Еске салайық, 2025 жылғы 8 қарашада Тәуелсіздік даңғылындағы көпқабатты үйдің қаптамасы опырылып құлап, бес адам зардап шеккен. Олардың бірі — фельдшер кейін қайтыс болды.
Бұл іс бойынша Сәуле Жұбаниязова мүлік иелерінің бірлестігінің төрағасы ретінде айыпталып отыр. Ол өз кінәсін мойындамайды.
Еске салайық, 18 тамызда Астана қаласының қылмыстық істер жөніндегі ауданаралық сотында фельдшер Ұлдана Мырзуанның қаза болуына қатысты іс бойынша алдын ала тыңдау басталды. Істі судья Меруерт Абаева қарауда.
