TikTok желісінде өзін көріпкел әрі емші деп таныстыратын Құралай Құлмырзаева блогер, қайырымдылық қорының жетекшісі Ырысбала Икрамбайға қатысты ауыр айыптаулар айтты, деп хабарлайды ult.kz.

Құлмырзаева блогердің зәулім үйі оған бақыт әкелмейтінін, керісінше қиындықтарға себеп болатынын болжаған. Алайда бұл – оның жеке пайымы, мұндай болжамның нақты негізі көрсетілмеген.

Сондай-ақ ол Ырысбаланы қайырымдылыққа жиналған халықтың қаражатына 700 шаршы метрлік үй салды деп айыптады. Мұқтаж отбасыларға берілген баспаналардың сапасын да сынап, блогердің өзіне үлкен үй алғанын алға тартты.

Айта кетейік, Ырысбала Икрамбай мектептегі ақша жинау мәселесіне пікір білдірді. 

Ырысбала Икрамбай кім?

Ырысбала Икрамбай – қазақстандық блогер, қайырымдылық бастамаларымен танылған тұлға. Ол әлеуметтік желі арқылы қаражат жинап, мұқтаж отбасыларға көмек көрсету және баспана алуға жәрдемдесу жұмыстарын ұйымдастырған. Сондай-ақ “Ырысты” қоғамдық қайырымдылық қорының жұмысына атсалысқан. 

Ырысбала әлеуметтік желідегі парақшасында қайырымдылық шаралары туралы ақпаратпен қатар, күнделікті өмір мен қоғамдағы түрлі мәселелерге қатысты пікірлерін жариялайды. Оның жазбаларында отбасы, бала тәрбиесі және өзара көмек тақырыптары қозғалады.